Aqordada jańa Konstıtýsııany qabyldaýǵa arnalǵan saltanatty jıyn ótti. El damýy úshin mańyzdy sanalatyn qujattyń qabyldanýyna oraı uıymdastyrylǵan sharaǵa memleket basshylyǵy men qoǵam ókilderi qatysty, dep jazady Egemen.kz.
Prezıdent jıynda bul kúnniń tarıhı mańyzyna erekshe toqtaldy.
«Búgin barshańyz tarıhymyzdaǵy asa mańyzdy, mán-maǵynasy aıryqsha, el ómirinde óshpes iz qaldyratyn oqıǵanyń kýási boldyńyzdar. Men Memleket basshysy retinde búkil halyq atynan Ata zańymyzǵa qol qoıdym. Sonymen qatar Konstıtýsııany iske asyrý jónindegi sharalar týraly Jarlyqqa qol qoıyldy.
Endi Halyq Konstıtýsııasy 1 shildeden bastap resmı túrde óz kúshine enedi. Al Konstıtýsııa kúnin memlekettik mereke retinde ulttyq deńgeıde jyl saıyn 15 naýryzda atap ótetin boldyq. Elimizdiń barsha halqyna Ata zańymyz qutty bolsyn degim keledi!» dedi Qasym-Jomart Toqaev.
Aıta keteıik, jańa Konstıtýsııa jobasy boıynsha respýblıkalyq referendýmnyń qorytyndysyn Ortalyq referendým komıssııasynyń tóraǵasy Nurlan Ábdirov jarııalaǵan bolatyn.
Saltanatty jıynǵa eldiń saıası jáne memlekettik basqarý júıesiniń ókilderi, Úkimet músheleri men óńir basshylary qatysty.
Memleket basshysyna respýblıkalyq referendým nátıjesine oraı quttyqtaý jedelhattary kelip tústi
Prezıdent qol qoıǵan qujat eldiń quqyqtyq negizin jańǵyrtyp, memlekettik basqarý júıesin jetildirýge baǵyttalǵan. Jańa Ata zańnyń kúshine enýi Qazaqstannyń saıası damýynyń jańa kezeńin aıqyndaıdy.
Ortalyq referendým komıssııasy: Jańa Konstıtýsııa qabyldandy