Shymkent qalasynyń Qarataý aýdanynyń ákimi Almas Abaevqa qatysty tártiptik is qozǵaldy. Onyń materıaldary Memlekettik qyzmet isteri agenttiginiń Ádep jónindegi komıssııasynda qaralatyn boldy. Tekseris áleýmettik jelilerde keń taraǵan beınejazbadan keıin qolǵa alynǵan. Kadrlarda syrt kelbeti ákimge uqsas er adamnyń fýtbol alańynda ózge azamatqa birneshe ret soqqy jasaǵany baıqalady. Osy oqıǵa qoǵamda qyzý talqyǵa tústi, dep habarlaıdy Egemen.kz.
Memlekettik qyzmet isteri agenttigi atalǵan derek boıynsha tártiptik is qozǵalǵanyn rastady. Vedomstvo ókilderiniń málimetinshe, qazirgi ýaqytta qyzmettik tekseris júrgizilip jatyr.
Agenttiktiń jergilikti memlekettik organdar qyzmetin baqylaý basqarmasynyń basshysy Jasulan Týlakov bul másele Ádep jónindegi komıssııa otyrysynda qaralatynyn aıtty. Onyń sózinshe, komıssııa sheneýniktiń áreketine quqyqtyq baǵa berip, tártiptik quqyqbuzýshylyqtyń bar-joǵyn anyqtaıdy.
Astanada polıseı telefonǵa jaýap bermegeni úshin bastyǵyn soqqyǵa jyqty
Sondaı-aq qoldanystaǵy erejelerge sáıkes, memlekettik qyzmetkerdiń tártiptik jaýapkershiligi, qoldanylatyn jaza túri jáne ózge de máseleler dál osy komıssııa otyrysynda sheshiledi.
Serik Sápıevke orynbasary qol kóterdi
Aıta keteıik, buǵan deıin Shymkent ákimdigi beınejazba jarııalanǵannan keıin qyzmettik tekseris bastalǵanyn habarlap, onyń qorytyndysy shyqpaı turyp asyǵys pikir bildirmeýge shaqyrǵan edi. Oqıǵa boıynsha sońǵy sheshimdi Memlekettik qyzmet isteri agenttiginiń Ádep jónindegi komıssııasy qabyldaıdy.
Aqtaýda er adamdy soqqyǵa jyqty: qylmystyq is qozǵaldy