Italııanyń Býsto-Arsısıo qalasynda bokstan álemdik irikteý kezeńi máresine jetti. 49 Olımpıada júldesi sarapqa salynǵan týrnırde 11 boksshy (6 er, 5 áıel) el namysyn qorǵady. Áıel boksshylardan shırek fınalǵa shyqqan Valentına Halzova jáne Alýa Balqybekova qarsylastaryna ese jiberdi. Iаǵnı, Qazaqstannyń áıelder quramasy olımpıadaǵa lısenzııa ala almady, dep habarlaıdy Egemen.kz Týrızm jáne sport mınıstrliginiń baspasóz qyzmetine silteme jasap.
Aıbek Oralbaı amerıkalyq Jamar Talleıdi barlyq raýndta utyp, Olımpıadada sharshy alańǵa shyǵýǵa múmkindik aldy.
Nurbek Oralbaı shırek fınalda Eýropa chempıonatynyń kúmis júldegeri Kolın Kassıdıdi 4:1 esebimen utty.
Osylaısha, Qazaqstan boks tarıhynda Aıbek jáne Nurbek (egiz boksshylar) Parıj Olımpıadasynyń júldesine talasady.
Sáken Bıbosynov 4:0 esebimen Eýropa chempıonatynyń kúmis júldegeri brıtandyq Kıaran Makdonaldty jeńdi. Sáken Bıbosynov otandyq boks tarıhynda Bolat Jumadilovten keıin qatarynan ekinshi ret baratyn sportshy atandy.
Mahmud Sabyrhan jasóspirimder arasyndaǵy álem chempıony Asror Vahıdovty 4:1 esebimen jeńdi. 22 jastaǵy jerlesimiz kópten kútken Olımpıadanyń sharshy rınginde baq synaýǵa múmkindik aldy. 57 kelide qazaq tarıhynda bir ǵana boksshy Olımpıada júldesin alǵan (Bekzat Sattarhanov, Sıdneı 2000).
Álem chempıony Aslanbek Shymbergenov ázerbaıjandyq Varhan Alıevten 5:0 esebimen basym tústi.
Parıj Olımpıadasynyń joldama ıegerleri:
51 kg: Sáken Bıbosynov (Álem chempıony) 57 kg: Mahmud Sabyrhan; (Álem chempıony) 71 kg: Aslanbek Shymbergenov; (Álem chempıony) 80 kg: Nurbek Oralbaı; (Álem chempıony) 92 kg: Aıbek Oralbaı; (Azııa chempıony)
Esterińizge salaıyq, buǵan deıin erler arasynda +92 kg-Qamshybek Qońqabaev, al áıelder arasynda 57 kg-Karına Ibragımova Parıj-2024 joldamasyn jeńip alǵan bolatyn.