Jyl basynan beri Soltústik Qazaqstan oblysynda júzge tarta órt bolyp, sonyń saldarynan alty adam qaza taýyp, 18 adamdy kúıik shalǵan. Al keltirilgen shyǵyn 47 mln teńgeden asady.
О́rt adamdardyń salǵyrttyǵynan, qaýipsizdik erejelerin saqtamaýynan tutanady. «Sondyqtan tilsiz jaýdan únemi saq bolýǵa shaqyramyz», deıdi oblystyq TJD basshysynyń orynbasary Dmıtrıı Rastıhın.
Jýyrda ǵana «Aıman» avtoservısiniń alańynda aıaqasty órt tutandy. Tańǵy tórt jarymda bastalǵan jalyndy aýyzdyqtaýǵa órt sóndirý qyzmetiniń 14 tehnıkasy men 46 adam jumyldyrylǵan. Osylaısha, órt tańǵy 7-de ǵana tolyq sóndiriledi. Jumys ýaqyty bolmaǵandyqtan, eshkim zardap shekpegen. Aldyn ala jasalǵan tujyrymǵa qaraǵanda, órt elektr symdarynyń qysqa tuıyqtalýynan shyqqan. Biraq bul jerde de adam faktorynyń qatysy joq emes, elektrık symdardy qarap, aýystyrýǵa tıis bolǵan.
D.Rastıhınniń aıtýynsha, órt kóbine jekemenshik úıler ornalasqan aımaqtardan shyǵady. Barlyq órttiń 74 paıyzy – osy úılerdiń «úlesinde». Onyń kóbi pesh ornatqanda turǵyndardyń órt qaýipsizdigin saqtamaǵandyǵynan bolatyn kórinedi. Máselen, bıylǵy barlyq 67 órttiń 33-i peshterdiń durys ornatylmaǵandyǵynan shyqqan. Buryn pesh ornatatyn arnaıy adamdar bolatyn, qazir ondaı maman joq. Sondyqtan úı turǵyzǵanda turǵyndar peshti óz qalaýynsha qalaıdy da, kóbine órt qaýipsizdigi saqtalmaıdy.
Elektr qurylǵylaryn paıdalanýda órt qaýipsizdigi talabyn oryndamaǵannyń kesirinen 25 ret órt shyqqan. Turmystyq gazdy paıdalanýda da keıbir turǵyndar qaýipsizdikti saqtaı bermeıdi. Bıylǵy eki aıda ǵana gazdyń jarylýynan 3 ret órt shyqqan.
Byltyr kúzde jekemenshik úıden órt shyǵyp, 20 jastaǵy kelinshek pen eki baldyrǵan esikke bir metrdeı ǵana jete almaı, tunshyǵyp ólgen edi. Laýlaǵan otty terezesinen kórgen kórshisi tańǵy saǵat 9-da órt sóndirýshilerdi shaqyrady. Jaldap turyp jatqan bul úıde 40 jastaǵy áıel uly men kelinimen turǵan eken. Ulynyń bir jarym jastaǵy jáne óziniń bes jastaǵy ekinshi balasy bolǵan. Eki baldyrǵan men kelini tútinge tunshyǵyp ólgen, al tórgi úıde jatqan jigit tereze arqyly syrtqa shyǵyp úlgergen. Aıtýynsha, ol áıelin de dalaǵa súırep shyǵarmaq bolǵan, biraq qutqaryp úlgere almaǵan. Al úı ıesi sol túni jumysta bolǵan eken. О́rttiń qaıdan shyqqany belgisiz, mamandar elektr symdarynyń qysqa tuıyqtalýynan bolýy múmkin dep boljap otyr. О́ıtkeni jalyn tóbege salynǵan materıaldardy kúıdirgen. Al pesh sol kúni jaǵylmaǵan.
2021 jyldan beri qalalyq jáne aýdandyq ákimdikter jekemenshik turǵyn úıler sektoryna gaz ben tútin shyqsa dabyl beretin 5 myń ıis sezgish apparat ornatty. Osy qurylǵy arqyly bıyl 5 adam ajaldan aman qalǵan.
Qazir órt sóndirýshiler ákimdik ókilderimen birge turǵyn úıler sektorlaryna reıdter júrgizip, peshterdi, elektr symdarynyń jańalyǵyn, gaz ben tútindi anyqtaıtyn apparattardyń ornatylýyn qadaǵalap júr. Biraq órt qaýipsizdigi aldymen turǵyn úı ıesiniń ózine qajet. Halyq osyny túsingende ǵana órt qaýpi azaıady. О́rt sóndirý qyzmeti osyny eskerip, byltyr BAQ arqyly 483 materıal jarııalap, 100 myńǵa jýyq jadynama taratqan. Sondaı-aq ınternet resýrstarynda órt qaýpi týraly 435 aqparat ornalastyrylǵan.
Soltústik Qazaqstan oblysy