Ile aýdanynyń Ashybulaq aýyldyq okrýgindegi 97617 áskerı bólimde «Ásker bolǵym keledi» atty is-shara uıymdastyryldy. Basqosýdyń maqsaty – jastardyń boıynda patrıotızmdi qalyptastyra otyryp, joǵary moraldyq-psıhologııalyq qasıetterge tárbıeleý, jas urpaqty áskerı qyzmetkerdiń jumysymen jáne onyń qyr-syrymen tanystyrý.
Taǵylymy mol is-sharaǵa aýdandaǵy «Progress» polıtehnıkalyq kolledji men Ekonomıkalyq jáne quqyqtyq kolledjiniń 1-2 kýrs stýdentteri qatysty. Kezdesý barysynda jastar ózderin qyzyqtyrǵan qarý-jaraqtarmen jáne qorǵanysh quraldarymen tanysyp, Makarov tapanshasynan bastap, Kalashnıkov avtomaty men pýlemetin shashyp, jınap kórdi. Sondaı-aq «Qaisar» dıalog alańynda pikir almasyp, Otan aldyndaǵy azamattyq boryshty óteýdiń jaýapkershiligi men qyzyqtary jaıly erkin, jan-jaqty oı-tolǵamdarymen bólisti. Áskerı bólimde túski as iship, sarbazdardyń tynys-tirshiligimen tanysty.
«Er azamattyń aldynda turǵan úlken mindetterdiń biri – ásker qatarynda abyroıly qyzmet etip, ómirdiń ystyq-sýyǵyna shynyǵyp, ózin shıratý. Búgingi kúnde áskerden jaltaratyn jastar joq emes. Osy kemshiliktiń ornyn toltyrýda jastardy áskerı ómirmen tanystyrýdyń mańyzy zor», deıdi oblystyq «Jastar rýhy» jastar qanaty tóraǵasynyń orynbasary Nurbek Ergeshbaı.
Áskerı bólimge jasalǵan ekskýrsııadan aıryqsha áser alǵan stýdent-jastar mundaı is-sharalardyń jıi uıymdastyrylyp turýyna usynystaryn bildirdi.
Almaty oblysy