О́zbekstanmen baılanys nyǵaıa túsedi

Tashkentte О́zbekstan Pre­zıdenti Shavkat Mırzııoev Qazaqstan Úkimetiniń basshysyn qabyldady. Kezdesý barysynda qazaq-ózbek qarym-qatynastary joǵary deńgeıdegi senim men ózara túsinistikke negizdelgen stra­te­gııalyq áriptestiktiń jarqyn úlgi­si ekeni atap ótildi. О́tken jyl­dyń qorytyndysy boıynsha Qazaqstan men О́zbekstan ara­syndaǵy ekijaqty taýar aınalymy 4,5 mlrd dollardy qurady. Eki el úki­metteri taýar aınalymyn odan ári arttyrý úshin ınvestısııalyq jáne ónerkásiptik jobalardy iske asyrý boıynsha júıeli jumys júrgizip keledi.

О́z kezeginde О́zbekstan Premer-mınıstri Abdýlla Arı­pov­pen júrgizilgen úkimettik deń­geıdegi kelissózder saýda-ekono­mıkalyq, ınvestısııalyq, sý-energetıkalyq, tranzıttik kólik jáne mádenı yntymaqtastyqty keńeıtý, sondaı-aq jetkiziletin taýarlar nomenklatýrasyn keńeıtý arqyly aýyl sharýashylyǵy salasyndaǵy ózara is-qımyldy nyǵaıtý boıynsha qabyldanyp jatqan sharalarǵa arnaldy.

«Eki eldiń prezıdentteri qazaq-ózbek yntymaqtastyǵyn sapaly jańa deńgeıge shyǵarý mindetin qoı­dy. Taýar aınalymyn arttyrý úshin zor áleýet bar ekenin kórip otyr­myz, sondaı-aq ekijaqty jáne kóp­jaqty formattardaǵy ózara is-qımyl­dyń joǵary nátıjelerine jetý úshin barlyq qajetti kúsh-jigerdi jumyldyramyz», dedi O.Bektenov.

О́z tarapynan Abdýlla Arıpov eki memleket basshylary deń­geıin­degi senimdi jáne dos­tyq qa­tynastar strategııalyq áriptes­tik pen odaqtastyqty nyǵaıtýdyń mańyzdy faktory ekenin aıtty.

«Eki eldiń kóshbasshylary Qazaq­stan men О́zbekstan arasyn­daǵy kópjosparly qatynastardy odan ári keńeıtý bo­ıynsha naqty mindetterdi aıqyndady. Osy mindetterdi oryndaý úshin barlyq qajetti sharany qabyldaýǵa da­ıyn ekenimdi bildiremin», dedi A.Arıpov.

Taraptar ónerkásiptik kooperasııa salasyndaǵy eleýli progresti atap ótti jáne ony ári qaraı damytýǵa zor áleýet bar ekenin atap ótti. Qazirgi ýaqytta ónerkásiptik kooperasııa aıasynda 13,3 myńnan astam jumys ornyn qura otyryp, jalpy somasy 2,6 mlrd dollar bolatyn 60 joba iske asyrylyp jatyr. Qosymsha 43 jobanyń perspektıvasy da joǵary bolyp otyr. Ekijaqty saýda áleýetin odan ári keńeıtýde «Ortalyq Azııa» halyqaralyq ónerkásiptik kooperasııa ortalyǵyna mańyzdy ról beriledi. Sonymen qatar eki el arasynda aýyl sharýashylyǵy salasynda tolyq ózara túsinistik jolǵa qoıylǵan.

Kelissózder barysynda Qazaq­stan Úkimetiniń basshysy óńirdegi tranzıttik kólik áleýetin odan ári arttyrý qajettigin aıtty. Sondaı-aq sý paıdalaný salasyndaǵy ózara is-qımylǵa erekshe nazar aýdaryldy. Oǵan qosa Oljas Bektenov qazaqstandyq taraptyń О́zbekstanǵa 255 pozısııa boıynsha 500 mln dollar somasyna eksporttyq jetkizilimderdi keńeıtýge daıyn ekenin atap ótti.

Kelissózder qorytyndysynda Oljas Bektenov pen Ab­dýl­la Arıpov Qazaqstan men О́zbek­stan úkimetteriniń ekijaq­ty ózara is-qımyldyń barlyq spektri bo­ıyn­sha aradaǵy yntymaqtastyqty kezeń-kezeńmen damytýǵa bar kúsh-jigerdi salýǵa daıyn ekenin rastady.

Jumys sapary barysynda Qazaq­stan Premer-mınıstrine Ke­den­dik resimdeý ortalyǵynyń elekt­ron­dyq deklarasııalaýǵa kó­shý arqyly ákimshi­lendirýdi jetil­dirý salasyndaǵy tájirıbesi kórsetildi.

Sondaı-aq Oljas Bektenov Texnopark-qa baryp, ónerkásiptik, elektrondyq, qurylys ónimderin, ónerkásiptik jáne kommýnaldyq energetıka jabdyqtaryn, onyń ishinde lıftiler men eskalatorlardy joǵary tehnologııalyq óndirý úderisimen tanysty.