«Qazgıdromet» RMK mamandary 2024 jyldyń 27 naýryzyna arnalǵan aýa raıy boljamyn usyndy, dep habarlaıdy Egemen.kz.
Sınoptıkterdiń boljamynsha, Batys Qazaqstannyń ortalyǵynda júrip jatqan belsendi sıklon men sonymen baılanysty atmosferalyq frontaldy bólikterdiń jyljýynan elimizdiń basym bóliginde jaýyn-shashyndy ári jeldi aýa raıy kútiledi.
«Elimizdiń shyǵysy men ońtústik-shyǵysynda ǵana antısıklonǵa baılanysty jaýyn-shashynsyz aýa raıy saqtalady. Qazaqstan boıynsha tuman kórinis tabady, ońtústik óńirde naızaǵaı oınap, kún raıy qubylmaly bolady, elimizdiń soltústik-batysynda, soltústiginde, ortalyǵynda kóktaıǵaq bolady dep kútiledi», dedi sınoptıkter.