Premer-mınıstr Oljas Bektenov Premer-mınıstrdiń birinshi orynbasary Roman Sklıar men Tótenshe jaǵdaılar mınıstri Shyńǵys Árinovtiń, sondaı-aq jekelegen óńirler ákimderiniń baıandamalaryn tyńdady, dep habarlaıdy Egemen.kz Úkimettiń baspasóz qyzmetine silteme jasap.
Úkimet basshysyna qar men muzdyń kúrt erýine baılanysty jáne sý tasqynyna qarsy júrgizilip jatqan jumystar aıasynda óńirlerde qalyptasyp otyrǵan ahýal týraly baıandaldy.
Tótenshe jaǵdaılar mınıstrliginiń málimetinshe, jumystarǵa jeke quramnan 2500 adam, 700-ge jýyq tehnıka, 290-nan astam sý aıdaý jáne júzý quraldary jumyldyrylǵan. Jumystar is-qımyl algorıtmine sáıkes júrgizilip jatyr.
«Jedel jeli» telefony 8 717 2 70 41 14, sonymen qatar óńirlik baılanys ortalyqtary jumysyn jalǵastyryp jatyr.
Sonymen qatar Almaty, Aqmola, Aqtóbe, Batys Qazaqstan, Shyǵys Qazaqstan, Soltústik Qazaqstan, Qostanaı, Qaraǵandy, Pavlodar, Abaı, Ulytaý oblystarynda jáne Astana qalasynda respýblıkalyq jáne oblystyq jedel shtabtar jumys isteı bastady.
Tótenshe jaǵdaılar mınıstrligine óńirlerdiń ákimdikterimen birlesip, sý tasqynyna qarsy jumystardy jalǵastyrý jáne eldegi ahýal týraly táýlik saıyn esep berý tapsyryldy.