Qostanaı oblysynyń ońtústik aýdandarynda tasqyn sý taǵy qaıtalanýy múmkin, dep habarlaıdy Egemen.kz.
Arqalyqta ótken jedel shtab otyrysynda oblys ákimi Qumar Aqsaqalov Ulytaý jaqtan taǵy sý kelýi múmkin ekenin, sondyqtan qazirden bastap sý tasqynynyń ekinshi tolqynyna daıyndyq sharalary bastalǵanyn aıtty.
«Ulytaý jaqta qar kóbesi áli sógile qoıǵan joq. Oǵan tikushaqpen qaýipti aımaqtardaǵy adamdardy qutqarý sharalary barysynda áýeden barlaý arqyly kóz jetkizdik. Demek, bul – tasqynnyń ekinshi tolqyny bolady degen sóz. Osyǵan baılanysty, saqtyq sharalaryn ábden kúsheıte túsýimiz qajet. Qaýipti jerde ornalasqan eldi mekenderdegi turǵyndar erterek qaýipsiz jerlerge jetkizilsin. Barlyq departament basshylary Arqalyq qalasyna shoǵyrlanyp, tótenshe jaǵdaı joıylǵansha árqaısy óz salalary boıynsha sý tasqynynan zardap shekken halyqqa tıisti kómekterin berýleri kerek», dedi jedel shtab tóraǵasy Qumar Aqsaqalov.
Qaýipti aımaqtarda sý qarqyny báseńdegen. Alaıda Ulytaý jaqtan keletin sýdyń qarqyny, aýqymy qandaı bolatyny beımálim. Sınoptıkter aldaǵy kúnderi kún jylyp, synap baǵanasy joǵarylaı túsedi degen bojam aıtyp otyr.
Oblys ákimdiginiń basqarma, departament basshylarynyń bári tasqyn sýdyń qaýpi seıilgenshe Arqalyqta jumys istep jatqan jedel shtabtyń basy-qasynda bolady.
Qostanaı oblysy