Aýdan ortalyǵy – Mııaly aýylyna Oıyl ózeninen tasqyn sýdyń kirý qaýpi tóndi. Osyǵan baılanysty aýdanda tótenshe jaǵdaı jarııalanyp, aýyl turǵyndaryn qaýipsiz jerge kóshirýge sheshim qabyldandy, dep jazady Egemen.kz.
Qyzylqoǵa aýdany ákimdiginiń málimetinshe, turǵyndardy qabyldaý úshin Mııaly aýylyndaǵy Y.Shórekov atyndaǵy mektep-gımnazııa, H.Dosmuhamedov atyndaǵy orta mektep pen «Nur-Shýaq» balabaqshasy daıyn tur.
«Arman» mádenıet úıi men «Jańa arna» mekemesiniń ǵımaratyna jınalý suralady. Birinshi kezekte áıelder, balalar, naýqas adamdar, úsh toptaǵy múgedekter kóshiriledi», dep habarlady aýdandyq ákimdikten aýdan turǵyndaryna.