Qyzyl sý ál bermeı barady

Tabıǵattyń tasyr minezin kim túsinip bolǵandaı? Qazirgi kezde qyzyl sý ál bermeı barady. Oblystyń irgesindegi Jezdi kentindegi sý tasqynynyń kúsheıgeni sonshalyq, munda tótenshe jaǵdaı jarııalaýǵa týra keldi. О́ıtkeni kenttegi on shaqty úıdi sý basyp qalǵan. Bularǵa basqa da qaýipti úılerdiń turǵyndaryn qosa otyryp, barlyǵy 30-ǵa tarta otbasy kóshirilip, ýaqytsha jataqhanaǵa ornalastyryldy. Qazir keltirilgen zalal, shyǵyn eseptelip jatyr.

– Jezdi ózeniniń deńgeıi 3,5 metrge deıin kóterilip ketti. Des bergende, aldyn ala atqarylǵan is-sharalar arqyly ǵana kúlli kentti tasqyn astynda qalýǵa jol berilmedi. Qazirgi ýaqytta jergilikti atqarýshy organnan – 15, Tótenshe jaǵdaılar departamentinen – 50-ge jýyq, Polısııa departamentinen 30-dan asa qyzmetker, jalpy sany 13 tehnıka men 3 sorǵy jumys istep jatyr. Jezdidegi jaǵdaıdy oblys ákimi Berik Ábdiǵalıuly ózi baryp kórdi, halyqpen kezdesip, jergilikti basshylyqqa tıisti tapsyrmalar berdi, – deıdi oblys ákiminiń baspasóz hatshysy Erkenaz Ospanbekova.

Resmı málimetke súıensek, sý basý qaýpi joǵary bolyp turǵan Taldysaı aýylynyń turǵyndary da túgeldeı Jezdi kentine qonystandyryldy. Oblys basshylyǵy olardyń úı-jaılaryna baryp, habar alyp turýy úshin kúnine eki araǵa kólik qatynasyn uıymdastyrýdy qolǵa aldy. 28 naýryzda Qostanaı oblysynyń Ulytaýǵa jaqyn mańyndaǵy «Sarytorǵaı aýylyn tolyqtaı sý basyp qaldy» degen habar jetisimen, halyqty jetkizý qajettiligi týyn­dap qalý múmkindigi eskerilip, Jezqazǵan qalasyna 300-ge jýyq adamdy ornalastyrý, as-sýyn berý máselesi de sheshimin tapqan edi. Bul qıyn kezde kórshiles eldiń bir-birine kómek kórsetýge ázir ekenin kórsetti.

Qar áli de tolyq erip bitken joq. Sondyqtan keıbir jerlerde sý deńgeıi tómendegeni baıqala bastaǵanymen, qaýip seıildi dep aıtýǵa bolmaıdy.

Ulytaý oblysy