Keshe, 31 naýryzda Aqtaý qalasyndaǵy «Batyr» sport kesheninde ótken Nomad MMA boıynsha oblystyq jarys kezinde 17 jastaǵy sportshy kóz jumdy. Qaıǵyly habardy Mańǵystaý oblysynyń Nomad MMA federasııasy málimdedi, dep jazady Egemen.kz.
Jekpe-jek kezinde jaraqat alǵan 17 jastaǵy jigitke sport kesheniniń medısına qyzmetkerleri alǵashqy kómek kórsetken.
«О́kinishke qaraı, jasóspirim kóz jumdy. Týrnır bastalar aldynda qatysýshynyń jarysqa daıyndyǵyn rastaıtyn medısınalyq anyqtama usynylǵan edi. Atalǵan qaıǵyly oqıǵa – jazataıym kútpegen jaǵdaı. Qazirgi ýaqytta júrgizilip jatqan tergeý aıasynda quzyretti organdar oqıǵanyń mán-jaıyn anyqtap jatyr. Marqumnyń týystary men jaqyndaryna kóńil aıtamyz», dep habarlady federasııa baspasóz qyzmeti.