Aqtaýda IT-hab ashyldy

«Astana Hub» basqarýshy dırektory Danııa Ahmetova­nyń aıtýynsha, óńirlik habtar aımaq­tarda IT-salanyń damýy­na jol ashady. Mundaı orta­lyqtar jergilikti startaptar, kásipkerler men mamandarǵa bilim berý baǵdarlamalaryna, netvorkıngke, ınvestısııalarǵa, tehnologııalyq resýrstarǵa qol jetkizýdi jyldam qamtamasyz etedi.

«Aımaqtarda «Digital No­mads», «Google Developers Group»-pen seriktestikte vork­shop­tar, olımpıadalar, hakatondar, oflaın jáne onlaın kezdesýler jıi ótedi. Búginde óńirlik habtarda 7 myńnan asa adamnyń qatysýymen 300-den astam is-shara uıymdastyrylyp, 70-ten asa kompanııa «Astana Hub» qatysýshysy boldy. Biz «Mańǵystau Hub» óńirdegi IT-ındýstrııany damytýdyń negizgi alańyna aınalady dep senim­dimiz», dedi ol.

Sıfrlyq damý, ınnovasııalar jáne aeroǵarysh ónerkásibi mınıstrligi, Mańǵystaý oblysy ákimdigi jáne «Sergek Group» qoldaýymen «Astana Hub» halyqaralyq tehnoparki qurǵan «Mańǵystau Hub»-tyń negizgi mindeti – jergilikti IT-qaýymdastyqty damytyp, IT-talanttardyń turaq­ty aǵy­nyn qalyptastyrý. Munda IT-mamandardyń bilik­tilik deńgeıin arttyrýǵa, ınno­va­sııalyq jobalardyń damýyn yntalandyrýǵa baǵyttalǵan túr­li is-shara, trenıng pen konferensııa ótkiziledi.

Jańa habtyń ashylýyn­da 8 tehnologııalyq joba usy­nyldy. Olar: «AMS SYSTEM», «qMeta», «Mediana Services Limited», «Smart EDUS», «AGSA», «Libsystem.kz», «Rebels», «Gylym.ai» jáne «EkoAvtomat».

Búginde atalǵan mınıstr­liktiń bastamasymen «Astana Hub», ákimdikter, jeke serik­testerdiń qoldaýymen elimizdiń 12 óńirinde IT-habtar tabysty jumys isteıdi. Bıyl dál osyndaı Atyraý, Shymkent, Qonaev, Jezqazǵan, Petropavl jáne Jańa­ózen qalasynan IT-habtar ashý josparlanyp otyr.

Osy jyly «Astana Hub» óńirlik IT-habtardy «astana­hub.com» platformasyndaǵy qol­jetimdi sıfrlyq ınfra­qurylymdar arqyly qarqyndy damytýdy qolǵa aldy. Byltyr elimizdiń óńirlik habtarynda AKT salasynda 784 is-shara uıymdastyrylyp, oǵan 25 myńǵa jýyq adam qatysyp, 194 startap-ıdeıa usynylǵan. Sonymen qatar óńirlerde AKT boıynsha 7 forým ótti. Bul 70 kompanııa­nyń «Astana Hub»-qa qosylýy­na jáne óńirlerde IT-salany da­mytýdy yntalandyrýǵa septigin tıgizdi.