Aýyldyń shetin sý basty

Osy aýdannyń aýmaǵyndaǵy «Kókshetaý – Omby» respýb­lı­kalyq tas­jolyn sý basyp qalǵan. So­nymen qatar osy mańdaǵy Mortyq aýylynda bes úıge sý kirdi. Polısııa qyzmetkerleri osy sýdy sorǵyzyp jáne qaıta kelmes úshin ınertti zattary bar qaptardy úıýge, sý joldaryn tazartyp, aryqtardy ta­zalaýǵa kómek­tes­ti. Sý kirgen úı­lerdiń turǵyn­da­ry qurǵaq alań­dardarǵa shyǵarylyp, eva­kýa­sııalyq oryndarǵa jet­kizildi. Dúnıe-múlikterin sý shaıýyna jol bermedi.

Atalǵan aýdan aýmaǵyndaǵy «Kókterek – Tospa – Jasqaırat – Qaı­rat» avtojolynyń keıbir ýchaskelerinen sý júrip ketti. Keıbir jerlerde sýdyń tereńdigi 80 sm-ge deıin kóterildi. Sondaı-aq aýdandaǵy oblystyq mańyzy bar «Kishkenekól – Zolotaıa Nıva» jolynyń keıbir ýchaskeleri buzyldy. Tártip saq­shy­lary bul ýchas­kelerde kúndiz-túni kezekpen kezekshilikte turyp, qoz­ǵalysty shektep, qaýipsizdikti qamtamasyz etip júr.

Aýdannyń polısııa bóliminiń bastyǵy, polısııa podpolkovnıgi Rýslan Áljanovtyń aıtýyna qara­ǵan­da, aýdandaǵy jaǵdaı turaqty, qubyrlar arqyly sý qalypty jaǵdaıda aǵyp jatyr. Polısııa bóliminiń jeke quramy TJ qyzmetkerlerimen, ákimdikpen jáne basqa da múddeli qyzmettermen birlesip jumys istep júr.

Biraq jaǵany jaılaýǵa jibe­rýge bolmaıdy. Ashyq daladan aǵylǵan qarǵyn sýy jerge sińbeı yldıdaǵy aýyldarǵa qaraı bet túzep barady. Qýlykól men Qarataý aýylyna da sý jeter me eken degen qaýip bar. Tileýsaı aýylyna da teristik jaǵynan sý kirý qaýpi týyp tur. Qazir PD qyz­met­ker­leri TJ ókilderi jáne jer­gi­likti turǵyndarmen birge aýyl­dyń osy jaǵyna bóget jasap jatyr.

Taıynsha aýdanyndaǵy jaǵ­daı týraly buryn jazǵanbyz. Qo­symsha aıtar bolsaq, osy aýdandaǵy Birlik, Teńdik, Leto­vochnyı aýyldarynyń tusyndaǵy avtojoldardan sý júrip ketti. Qazir polıseıler joldardy jaýyp, júrginshilerdi toqtatyp jatyr.

Keıingi kezde Konstantınovka men Amandyq aýyldaryn sý basý qaýpi bar. Taıynsha qalasyndaǵy jaǵdaı da alańdatarlyq. Qala­nyń shetindegi kóptegen úıge sý kirdi. Mundaǵy Sha­ǵa­laly ózeni qalanyń túbindegi Zarech­nyı aýylyna aparatyn kópirdi shaıyp ketti. Qazir sý shetki úılerge de kirip jatyr.

Turǵyndardy dúnıe-múlkin tas­tap, qurǵaq evakýasııalyq beket­ter­ge kóshirý kezinde kóp­tegen ańshy adamnyń oq atar qarýlary da qa­raý­syz qalyp jatyr. Bul qarýlar keıbir sanasyz adamdardyń qolyna tıse, sý tasqynynyń ústine krı­mı­no­gen­dik jaǵdaı da kúrdelenip ke­te­tinin eskergen aýdandyq PD qyz­metkerleri ańshylardyń myl­tyq­­taryn ýaqytsha tárkileýdi bas­tady. Taıynsha aýdan­dyq polısııa bóliminiń bastyǵy, polkovnık Nurlyjan Aqtanov qazir ýchaskelik ınspektorlarǵa ańshy­lar­dyń myltyqtaryn ýa­qytsha alý týraly tapsyrma berildi dedi. Sonyń nátıjesinde qazirdiń ózinde 35 dana myltyq ýaqytsha jınalyp, polısııa bólimine tapsyrylypty.

Petropavl qalasynyń Ju­mys­­shy kentinde de polısııa qyz­metkerleri qarǵyn sýǵa qarsy kúresti kúndiz-túni júrgizip jatyr. Olar TJ ókilderi jáne jer­gilikti atqarýshy organ­dar­dyń qyzmetkerlerimen birge bir­neshe jerdiń sýyn sor­ǵy­zyp, aryqtardy tazartýǵa kirisken. Sharýashylyq qural-saımandarmen qarýlanǵan po­lı­­sııa qyzmetkerleri keshe túske deıin Krasın kóshesi men Mı­heev­tiń 3-shi ótpe jolyndaǵy aryqtardy ishinara muzdan tazartty.

Tasqynmen kúres qazir oblys­tyń barlyq tústik jáne batys aýdandarynda júrip jatyr. Ǵ.Músirepov aýdanynyń Rýzaev aýyldyq okrýginde 77 úıge sý kirdi. Barlyq kúsh kóshedegi jáne aýlalardaǵy qardy dalaǵa tasýǵa jumyldyrylǵan. Munda da PD, TJ ókilderi aryqtardy tazalap, sýdyń jol tabýyna kómektesip jatyr.

Turǵyndardy kóshirýge aýyl­dyq okrýgte 2 evakýasııalyq beket da­ıyn tur. «Jaǵdaı qıynǵa aınalsa biz jergilikti órt sóndirý bóli­miniń tehnıkalarymen ha­lyqty beketterge jet­kizemiz», deıdi osyndaǵy ju­mys­tar­dy úılestirip júrgen oblystyq TJ bastyǵynyń orynbasary Azamat Qabdýlın.

Soltústik Qazaqstan oblysy