Tótenshe jaǵdaılar departamentinde Batys Qazaqstan oblysynyń ákimi Narıman Tóreǵalıev pen TJ vıse-mınıstri Erlan Nurpeıisovtyń tóraǵalyǵymen ótken jedel shtab otyrysynda sý tasqyny kezeńiniń ótý barysy talqylandy. TJD bastyǵynyń mindetin ýaqytsha atqarýshy Rýslan Qasymbaev oblystaǵy sý tasqyny jaǵdaıy týraly sońǵy málimetterdi baıandady, dep habarlaıdy Egemen.kz.
Oblystyq TJD baspasóz qyzmeti málim etkendeı, 7 myńǵa jýyq adam evakýasııalandy, onyń ishinde 3 600 bala bar. Evakýasııalyq pýnktterde 1 myńnan astam adam ornalasty, qalǵan 5 485 adam týystarynyń úıinde qalǵan.
Kólik qatynasy úzilgen 10 eldi meken dúkenderinde azyq-túlik qory aldyn ala uıymdastyrylǵan.
Oblystaǵy ahýal baqylanyp jatyr.
TJD jáne jergilikti atqarýshy organdarynyń kómegimen Bórli aýdanynyń Qarashyǵanaq, Dımıtrov kentteriniń turǵyndary sátti evakýasııalandy. Barlyǵy 25 adam evakýasııalandy, onyń ishinde 1 bala bar.