Tanymal aıtysker aqyn Aınur Tursynbaeva sý tasqynynan zardap shekken óńirlerdiń turǵyndaryna qarjylaı kómektesti, dep habarlaıdy Egemen.kz.
Bul týraly óner ıesi áleýmettik jelidegi paraqshasynda jazdy. Ol sý basqan aımaqtardaǵy halyqtyń jaǵdaıyna alańdap otyrǵanyn jetkizgen.
«Topan sý basyp jatqan aımaqtardaǵy halyqtyń jaǵdaıyna alańdap otyrmyz. Bizdiń kúshimiz birlikte! Bul qıyndyqtan da aman ótemiz. Prezıdentimiz barlyq shyǵyn óteletinin aıtyp jatyr. Azamattar aman bolsa osy jerlerde keremet qalashyqtar boı kóterip, arty toı bolatynyna senemiz! Otbasymyzdyń atynan 5 mıllıon qarjy berip jatyrmyz. Alla qalasa, balalar kıimderi, jórgek, taǵy basqa kerek-jaraqtardy alyp ár aımaqqa teńdeı bólip taratatyn bolamyz! Elimizge Alla jar bolsyn!», dep jazdy Aınur Tursynbaeva.