Kitap oqýdy jan-tánimen jaqsy kóretin qaýymnyń arasynda bıblıokleptomanııa degen bir aýrý bar. Bul aýrýǵa shaldyqqandar eshqashan kitapty satyp almaıdy, ıakı surap áýre bolmaıdy, sanaly túrde urlap alady.
Kitap urlyqshylarynyń bul isinen dym uıalmaıtyndary, eshqashan qoıa almaıtyndary qyzyq. Sondyqtan da ǵalymdar buny aýrýǵa sanap, olarǵa osyndaı dıagnoz qoıyp otyr.
Álemdegi áıdik kitap urlaǵyshtardyń biri Stıven Blýmberg bolypty. Ol 300 kitaphanadan jıyrma myńnan astam táýir kitaptardy jymqyrǵan. Tańǵalmaý tipti múmkin emes. Jasyratyny joq, osydan soń kitap urlaý da óner shyǵar degen oı keledi. Bálkı, bul «kásipti» aýrýǵa emes, ónerge jatqyzý kerek shyǵar? Álqıssa. Osy bir «qasıetti» maqsatqa jeter jolda Stıven kitaphanaǵa jeldetý júıesi nemese lıfti shahtasy arqyly kirgen.
Stıvenniń tar jolda taıǵaq keship júrip jıǵan kitaptaryn kórer me edik, shirkin...