Bul týraly Aqordanyń baspasóz qyzmeti jazdy, dep habarlaıdy Egemen.kz.
Habarlamada: «Memleket basshysy Qasym-Jomart Toqaev elimizdegi joıqyn sý tasqynynyń saldaryn joıý jáne zardap shekken azamattarǵa kómektesý úshin basqa sharalarǵa jumsalatyn qarjyny barynsha únemdeý qajet ekenin eskere otyryp, bıylǵy 13-14 maýsymǵa josparlanǵan Astana halyqaralyq forýmyn ótkizbeý týraly sheshim qabyldady. Prezıdent forýmǵa shaqyrylǵan qonaqtar bul sheshimge túsinistikpen qaraıdy dep senetinin jetkizdi. Astana halyqaralyq forýmy óz jumysyn 2025 jyly jalǵastyratyn bolady», delingen.