Shymkent qalalyq perınataldyq ortalyǵynda óńeshi biteý týylǵan sábıge kúrdeli ota jasaldy. Náreste ishki aǵzasynyń aqaýynan tipti ana sútin eme almaǵan, dep habarlaıdy Egemen.kz.
Bilikti dárigerler quramy ómirine qaýip tóngen bir kúndik shaqalaqqa shuǵyl túrde neonataldyq hırýrgııalyq kómek kórsetý sheshimin qabyldaıdy. Nátıjesinde ota sátti ótip, bala anasymen jalpy palataǵa aýystyrylǵan. Aldaǵy ýaqytta dárigerlerdiń baqylaýynda bolady.
Buǵan deıin túrli patologııalary bar balalar mamandandyrylǵan aýrýhanaǵa jiberiletin. О́ıtkeni perzenthanada ondaı medısınalyq kómek kórsetilmeıtin.
Búginde jańa týylǵan nárestelerge reanımasııalyq jáne qarqyndy terapııa qyzmetin kórsetetin bólimshede neonataldyq hırýrg, anestezıolog-reanımatolog jáne neonatolog-reanımatolog dárigerleri jumyldyrylǵan. Perzenthanada sondaı-aq asqazan-ishek joldaryna ota jasalǵan balalarǵa kútim jasaýǵa da erekshe kóńil bólingen.