Jumys oryndary arta túspek

– Qydyrkeldi О́mirjanuly, siz basqaryp otyrǵan aýdanda ınno­va­sııa­lyq damý baǵdarlamasy qalaı júzege asyrylýda? – Indýstrııalyq-ınnovasııalyq damý memlekettik baǵdarlamasynyń ındýstrııalandyrý kartasy sheń­berinde sońǵy 4 jylda aýdanymyzda 10 iri ári az ýaqytta keńinen tanylǵan nysan iske qosylyp, tur­ǵylyqty halyqty turaqty jumys ornymen qamtamasyz etip otyr. Shyny kerek, sol eldiń aılyq jalaqylary ýaqytyly tólenedi. San sala boıynsha óndirilgen ónimder sapalylyǵymen de erekshelendi, onyń basty dáleli suranys mol. Taǵy da bir aıta ketetin jaıt, memleketke salyq tóleýde bizdiń aýdanymyz oblys­ta kósh bastap otyrǵany aqıqat. Osy­naý ýaqyt talabyna saı atqa­ryl­ǵan jumys bıylǵy jyly ózin­dik jalǵasyn taýyp Almaty oblysy óńirlik ındýstrııalandyrý kartasyna 3 ınvestısııalyq joba engizildi. – Sonda jumys oryndary jańadan ashylýda ma? – Shaǵyn jáne orta kásipkerlik salasynda 1166 kishi kásiporyn, 1875 sharýa qojalyqtary, 4711 jeke kásipkerler bar. Bul salada bar­lyǵy 26,4 myń adam jumyspen qam­tylǵan. О́ndirilgen ónimi men kórsetilgen qyzmettiń kólemi 127 mlrd. teńgeni qurady. Sońǵy aılarda satý jáne qyz­met kórsetý salasynda 50 kishi kásipkerlik nysandary iske qosy­lyp, 328 jańa jumys orny ashyldy. Al ónerkásip salasynda 14 jańa kásiporyn iske qosylyp, 280 jumys orny ashylyp jáne osyǵan deıin iske qosylǵan 8 kásiporyndarda 141 jańa jumys oryndary taǵy ashyl­dy. – Memlekettik saıasatqa saı temirjol men avtomagıstraldyń boıynda shaǵyn bıznes damysa, ondaǵy turǵylyqty halyqqa qandaı múmkindikter týady? – Qazaqstan Res­pýb­lıka­synyń Prezıdenti Nursultan Nazarbaev «Nurly Jol – bo­lashaqqa bas­tar jol» atty Joldaýynda jańa ekonomıkalyq saıasattyń dińgegi retinde jalpy ınvestısııalyq portfeli 6 trıllıon teńgeni quraı­tyn, 5 jylǵa eseptelingen ınfra­qu­rylymdyq damý josparyn belgilep bergeni málim. Qysqa merzimdi perspektıvadaǵy negizgi baǵyttar kóliktik-logıs­tıkalyq, ındýstrııalyq, energe­tıkalyq, turǵyn úı, áleýmettik ınfraqurylymdy damytý, turǵyn úı-kommýnaldyq sharýashylyq ınfraqurylymyn, sýmen jáne jylýmen qamtý júıelerin jańǵyrtý bolyp tabylady. Osy basym baǵyttar shyn mánin­de kúrdeli qarjy salýdy qajet ete­tin ekonomıkanyń negizi bolyp otyr. Munyń bári halyqty jumyspen qamtyp, tabystaryn ósirýge baǵyt­talǵan, ekonomıka men qoǵam jańa­ryp, sonyń nátıjesinde árbir qazaqstandyqtyń turmys sapasy jaqsaratynyn kórsetedi. Birinshi baǵyty boıynsha kó­liktik-logıstıkalyq ınfra­qu­rylymdardy damytý, negizgi avtojoldar jobasyn júzege asyrý qajet. Bul baǵytta aýdan aýmaǵynan ótetin Batys Qytaı – Batys Eýropa, Almaty – О́skemen, Úlken Almaty aınalmaly avtojoldarynyń qu­ry­lysy men qaıta jańǵyrtý ju­mystary júrgizilýde. Qazirgi ýaqytta jer telimderin satyp alý jáne jol boıyndaǵy servısti damytý jumystary júrgizilýde. Osy oraıda, aýdannyń ındýstrııalyq ınfraqurylymdary odan ári damı túsetini anyq. Osyǵan baılanysty, shaǵyn jáne orta bıznes óndirisin damytý men qosymsha ınvestısııa­lar tartýǵa baǵyttalǵan jańa ındýstrııalyq aımaqtar qurý máselesin sheshý úshin Boraldaı ındýstrııalyq aımaǵy qurylýda. Onda 70 ónerkásiptik kásiporyn ornalastyryp, 3000-ǵa jýyq jańa jumys oryndaryn ashý josparlanýda. Bul aýdan turǵyndary jańa jumys oryndarymen qamtylyp, týrızmniń damytylatynyn bil­diredi. Shaǵyn jáne orta bıznes pen iskerlik belsendilik nyǵaıady. Árıne memleket tarapy­nan jeńil­detilgen nesıe, shaǵyn nesıe, qar­jylaı saýyq­tyrý sııaqty kómek­ter kórse­tilýde. Halyqtyń turmy­syn jaq­sartý baǵyty boıyn­sha sol eldiń jumyssyz adam­daryn jumys­qa ornalastyrý jáne az qamta­masyz etilgen tobyn áleýmettik kó­mektermen qamta­masyz etý bolyp tabylady. Áńgimelesken Nurbol ÁLDIBAEV, «Egemen Qazaqstan». Almaty oblysy.