Armanyna asyqqan Ábilhan

Talaby taýdaı balanyń sý­ret­­shi bolý úshin ózin esh aıamaı, bir­ne­she ret qaterli qa­dam­­dar­ǵa qoryqpastan erikti túr­de barǵanyn jaqsy bilemiz. Onyń birneshe ret ólimshi etip sabalǵany da málim. Ol osy jýan taıaqtardan nege qorqyp jas­qan­bady degen suraq turady kókeıde. Talyp jatqan Ábilhandy anasy Qalıpan birneshe ret kóterip ákelip emdep, zorǵa jazyp alǵany belgili. Qystyń kúni Ileden Shejinge jol tartyp, ajal aýzynan ázer aman qalǵany taǵy bar. Torǵaı óńirinde qatty úsip qalǵany da umytylǵan joq. Osyn­­daı qıynshylyqtyń, aýyrt­pa­­lyq­tyń barlyǵyna kishkentaı sary bala qylqalam ónerine degen qushtarlyǵynyń, osy ónerge degen súıispenshiliginiń, sýretshi bolsam degen asqaq armanynyń arqasynda qarsy tura bildi.

Qandaı isti de júrek qala­ýy­men isteıtin balǵyn sýretshi úl­ken ómirde de osy qasıetinen tan­ǵan joq. О́ziniń asqan talantymen qosa, el-jurtyna degen erekshe súıispenshiliginiń nátıjesinde artyna óshpesteı mol mura qaldyrdy. Qazaq­stan Sýret­shiler odaǵynyń tór­aǵasy О́mirbek Jubanııazov aǵamyz óz esteliginde: «Sýret­te­ri qazaqtyń beıne ensı­klopedııasy sekildi» dep jazsa, bul Á.Qasteevtiń bu­ryn-sońdy bolyp kór­megen «Qa­zaq beıneleý óneriniń» mek­­te­bin qa­lyp­tastyrǵan qaı­ta­lanbas tul­­ǵa, boıaýdy qyl­qa­lammen sóıletý­diń­ has sheberi ekenin taǵy bir márte aıǵaq­ta­sa kerek.

Uly tulǵany ulyqtaý ba­ry­syn­da «Armanyna asyq­qan Ábil­han» atty taǵylymdyq oqý­lyq (qural) jazýdy­ tá­ńi­rim meniń enshime buıyrtqan eken. Onda dúnıejúzi mo­ıyndaǵan qyl­qa­lam shebe­riniń ónegeli bala­lyq shaǵy tııanaq­ty zertteldi. Al onyń qanshalyqty kór­kem, maz­mundy jazylǵany jaıynda oń pikir ne syn-eskertpe aıtý oqyrman qaýymnyń quzyrynda dep bilemin. Degen­men jetkin­shek­terdiń óreli, zerdeli bolyp ósýlerine oqýlyqtyń nurly dáni óz áserin tıgizedi ǵoı dep úmit­te­nemin. О́resi bıik sýretkerdiń ǵıbratty isteri urpaǵymyzǵa juǵysty bolsyn.

Mámet IMANBAI,

sýretshi-ustaz