Atyraý oblysynda Jaıyq ózeniniń sý deńgeıine monıtorıng júrgizilip jatyr. Qazirgi ýaqytqa deıin 70 úıdiń sýy sorylyp, 202 myń qumqapshyq tóseldi. Bul týraly Ortalyq kommýnıkasııalar qyzmetinde ótken brıfıngte QR Tótenshe jaǵdaılar mınıstrliginiń ókili Asqar Shárip málimdedi, dep habarlaıdy Egemen.kz.
«Osy ýaqytqa deıin respýblıka boıynsha 43 015 adam óz úıine oraldy. 6 338 adam evakýasııalaý pýnktterinde qaldy. Soltústik Qazaqstan, Atyraý jáne Aqtóbe oblystaryndaǵy 7 710 turǵyn úı men 2 844 aýla aýmaqtarynan sý burylyp, soryldy», dedi Asqar Shárip.
Asqar Sháriptiń aıtýynsha, apattyq-qutqarý jáne sý tasqynyna qarsy is-sharalarǵa barlyǵy 14 myńnan astam adam men 1529 tehnıka, 226 sý sorý tehnıkasy, 100 sý kóligi, 6 ushaq jumyldyrylǵan.
«Shyǵys Qazaqstan oblysynda jaýyn-shashynnyń kóp mólsherde túsýine baılanysty Buqtyrma jáne Kishi Úlbi ózenderinde sý deńgeıi kóterildi. Altaı jáne Glýbokovskıı aýdandaryna TJD, TJM 68303 áskerı bólimi men Apattar medısınasy ortalyǵynyń kúshteri men quraldary jiberildi. Aerovızýaldy barlaý jumystary júrgizilip jatyr», dedi Asqar Shárip.
Qyrmyzy JUMAǴALIQYZY,
EUÝ stýdenti