Otan qorǵaýshylar kúni qarsańynda QR Oqý-aǵartý mınıstrligi bilim berý uıymdarynda qansha er adam jumys isteıtinin naqtylady, dep habarlaıdy Egemen.kz.
Mamandardyń aıtýynsha, er oqytýshylardyń sany 93 myńnan asady. Biraq bul statıstıkaǵa ýnıversıtet oqytýshylary kirmeıdi.
«Qazaqstan Respýblıkasy Oqý-aǵartý mınıstrligi Ahmet Baıtursynuly atyndaǵy «Taldaý» bilim berýdi zertteý jáne baǵalaý ulttyq ortalyǵynyń málimetinshe, búgingi tańda elimizdegi bilim berý uıymdarynda 93 048 er pedagog jumys isteıdi. Onyń 13 867-si kolledjderde, 76 502-si mektepterde, 2 679-y mektepke deıingi uıymdarda qyzmet etedi», delingen mınıstrlik habarlamasynda.