Astanadaǵy Ulttyq akademııalyq kitaphanada belgili qalamger, halyqaralyq «Alash» ádebı syılyǵynyń laýreaty О́ris Iаshúkirqyzynyń shyǵarmashylyq keshi ótti. Kesh aıasynda jazýshynyń tórt tomdyq jınaǵy tanystyryldy.
О́.Iаshúkirqyzyn kózqaraqty qaýym aqyn, jazýshy, satırık, jýrnalıst retinde jaqsy biledi. Tórt janrdy erkin meńgergen onyń qaı shyǵarmasy da shynaıylyǵymen, tazalyǵymen tartymdy. Ásirese qazaqy boıaýǵa toly kesteli tili oqyrmandy jetelep áketedi.
Keshti aqyn, Qazaqstan Jazýshylar odaǵy Astana qalalyq fılıalynyń dırektory Dáýletkereı Kápuly júrgizdi. Aldymen jıyn moderatory kesh ıesine Qazaqstan Jazýshylar odaǵynyń basqarma tóraǵasy M.Qulkenovtiń quttyqtaýhatyn oqyp, qalamgerge «Qazaqstannyń qurmetti jazýshysy» tósbelgisin tabys etti.
Odan keıin sóz alǵan jazýshy, Memlekettik syılyqtyń laýreaty Álibek Asqar búgingi qýanysh ıesi О́.Iаshúkirqyzymen memlekettik qyzmette birge istegen jyldarynan estelik aıtty. «Jazýshylyq pen memlekettik qyzmettiń arasy eki bólek. Eki álem dese bolady. О́ris bizdiń departamentke gazetten keldi. Erkin. Jadyrap kúledi. Oıyn jasyrmaıdy. Al memlekettik qyzmette júrgenderdiń deni ondaı emes. Eshqashan pikirin aıtpaıdy. Búgip júredi. Bir kúni О́risti shaqyryp alyp, oıyńyzdy ashyq aıta bermeńiz dedim. Ony bul kisi elegen joq. Sol qalpynan ózgermedi. Memlekettik qyzmettiń ortasyna keıde erkindik te kerek. Men sony О́ristiń boıynan kórdim», dedi ol. Jazýshy Shárbaný Beısenova О́.Iаshúkirqyzymen Astanaǵa kelgende alǵash tanysqanyn sóz etti.
«1998 jyly elordaǵa kóship kelgende, О́ris «Astana aqshamy» gazetinde istedi. Alǵashynda osynda kim bar eken dep oıladym. Sonda alǵash tanysqanym: ólketanýshy Klara Ámirqyzy men О́ris boldy. О́rekeńniń gazetten árbir maqalasyn súısinip oqýshy edim. Ásirese «Baǵan basynda janǵan jigit» týraly áleýmettik maqalasy oqyrmandardy dúr silkindirgen edi. Onyń jazbalarynda adamgershilik, ádilettilik jaǵy basym bolatyn», dep izgi lebizin bildirdi.
Al Qazaqstan Jazýshylar odaǵynyń múshesi, aqyn Egeýhan Muqamádıqyzy qalamgerdiń tórt tomdyǵyn tolyq oqyp shyqqanyn aıtyp, avtordyń kórkem sóz ónerindegi jankeshti eńbegin joǵary baǵalady. Jazýshy, aýdarmashy Kamal Álpeıisova О́.Iаshúkirqyzynyń shyǵarmashylyǵy týraly aıta kelip: «Men elden erte Almatyǵa ketip, týǵan jerimnen alystap qaldym. Sondyqtan týǵan elime qyzmet etken adamdardy jaqsy kóremin. О́rekeń Muhıt aǵa ekeýi burynǵy Torǵaı oblysyna baryp eńbek etti. Muhıt aǵanyń basqarýymen Torǵaı óńirindegi 31 aýylda áýejaı ashyldy. Sodan men de elime qyzmet etken adamdardy aıtyp júreıin, jazyp júreıin degen ishki oı boldy. Oǵan «Qazaq ádebıeti» gazetinde jaryq kórgen О́.Iаshúkirqyzy týraly maqalamda keńirek toqtaldym», dedi K. Ábilqasymqyzy.
Sondaı-aq kesh barysynda qalamgerdiń shyǵarmashylyǵy men adamı kelbeti jaıynda Joltaı Álmashuly, Ońdasyn Elýbaı, Kamal Ábdirahman, Tolymbek Ábdiraıym, Aıgúl Kemelbaeva sekildi jazýshylar parasatty oı sabaqtady. Avtordyń tórt tomdyq jınaǵynyń lentasy qıyldy. Kesh sońynda О́.Iаshúkirqyzy jınalǵan qaýymǵa rızashylyǵyn bildirdi.