Zardap shekkenderge baspana salynady

Sol sııaqty Pokrovka, Novo­nı­kolsk aýyldarynyń túbin­­degi deńgeı de tómen túse bastaǵan. Reseımen eki ortada ornalasqan Dolmatov aýlyndaǵy Esildiń deńgeıi 11 sm-ge tómendegen. Petropavl sý qoımasynda Esildiń deńgeıi 28 sm-ge túsip, 16 sáýirde bolǵan 12 metrden asqan bıiktikten qul­dyrap, qazir 10,8 metrdiń mańaıyna tústi.

Qazir negizgi kúsh tasqyn­nyń zardabyn joıýǵa jumyl­dy­rylǵan. Sý basqan úılerdiń sýyn avtobóshkelerge sor­ǵy­zyp, dalaǵa tasýdyń ju­mys­ta­ry qyzý júrgizilip jatyr. Zardap shegýshilerge arnalyp oblys aýmaǵynda 500 úı salynady. Sý basqan Oıqala, Teri zaýyty, Teplıchnyı shaǵyn aýdan­daryna barǵan óńir ákimi Ǵaýez Nurmuhambetov úıleri qulaýdyń az-aq aldynda qalǵan turǵyndarǵa jańadan úı salynatynyn aıtty. Qazir bul aýdandarda mehanıkalyq brıgadalar qalpyna keltirýge bolmaıdy dep baǵalanǵan úılerdi súrip, oryndaryn tazalap jatyr.

Qazir qalanyń «Solnech­nyı-2» shaǵyn aýdanynda «Qa­zaqstan halqyna» qory­nyń bólgen qarajatyna 100 úıdiń qurylysy bastalyp ketti. Sonymen qatar osy jerge «Kaspi» AQ – 300 úı, «Kazakhmys» korporasııasy 100 úı turǵyzbaqshy. Ony salýshy jergilikti 10 qurylys kompanııalary da belgilengen. «Bul – orasan zor jumys. Alaıda biz aldymyzdaǵy jylytý maýsymy bastalǵansha zardap shekkenderdi jyly úılerge kirgizýimiz kerek», dedi oblys ákimi.

Sýdan zardap shekken shaǵyn aýdandardyń biri – «Zarechnyı». Bul aýdannyń tur­ǵyndary da tegis evakýa­sııalanǵan edi. Mundaǵy bas bostandyǵynan aıyrylǵan erler men áıelder zonalary da kóshirilgen. Jýyrda osy aýdannyń turǵyndarymen qala ákimi Serik Muhamedıev kezdesip, kóptegen máseleniń mán-jaıyna qanyqty. Osyn­daǵy saıajaılardyń birin­de turyp kelgen Aqmaral Rústemova bıyl saıajaıdaǵy úıin keńeıtip, eki bólme qospaqshy bolǵan eken. Qajetti materıaldardy alyp ta qoıǵan. Biraq sonyń bári sýda qalypty. Endi ol osyndaı saıajaıda turǵandarǵa úı berý qarastyrylmaǵanyn aıtyp shaǵymdandy. Buǵan qala ákiminiń ondaılarǵa jaýaby qysqa boldy. «Mundaı máselelerdi sot arqyly she­shý kerek. Eger sotqa bas­pa­nasyz qalǵandaryńyzdy dálel­de­seńizder jáne sot úı berý týraly sheshim shyǵarsa, biz turǵyn úımen qamtamasyz etýge mindettimiz», dedi ol.

Jurttyń bári zardap shekkenderge bolysyp, kómektesip jatqanda alaıaqtar da sumpaıy qylyqtaryn qoımaıdy. Jýyr­da jergilikti chattardyń birine sheteldik nómirmen post ja­rııalaǵan bir alaıaq zardap shekken turǵyndarǵa 5 mln teńge alyp bere alatynyn habarlap, siltemesin kórsetipti. Polısııa buǵan der kezinde mán berip, arnaýly quraldarmen tekserip, siltemege kirgen adamnyń de­rek­teri alaıaqtyń qolyna túse­tinin jáne telefonyna vırýs kiretinin anyqtady. Alaıaq bul derekterdi paıdalanyp, nesıe resimdeýi múmkin eken. Sondyqtan mundaı keleń­siz­dik­ten barynsha abaı bolǵan jón.

Soltústik Qazaqstan oblysy