Pavlodarda 9 mamyrda tórt jastaǵy qyz bala 5-qabattan qulap ketken, dep habarlaıdy Egemen.kz.
Pavlodar oblystyq jedel járdem stansııasy málimetinshe, shaqyrtý saǵat 14.50-de túsken. Bıikten qulaǵanyn eskergen birinshi sanatty jedel járdem dárigerleri oqys oqıǵa ornyna 5 mınýt ishinde jetken.
Zardap shekken bala oblystyq balalar aýrýhanasyna jetkizildi.
Oblystyq densaýlyq saqtaý basqarmasy qyz balaǵa jabyq bassúıek-mı jaraqaty jáne mıy shaıqalǵan degen dıagnoz qoıylǵanyn naqtylady. Ol qazir travmatologııa bóliminde jatyr, densaýlyǵy ortasha aýyr dep baǵalanyp otyr.