Atyraý oblysynda Jaıyq ózenindegi sý deńgeıiniń kóterilýine baılanysty keıbir eldi mekenderdi sý basý qaýpi áli de saqtalyp otyr, dep habarlaıdy Egemen.kz TJM baspasóz qyzmetine silteme jasap.
Atalǵan aımaqta jalpy uzyndyǵy 520 km-den asatyn sý tasqynyna qarsy bógetter salynǵan.
«Qazgıdromet» RMK júrgizger gıdrologııalyq monıtorıngke sáıkes, búgingi saǵat 09:00-degi jaǵdaı boıynsha: Atyraý - 533 sm. Táýligine + 5 sm. Inderbor aýdany 1026 sm. Táýligine +12 sm. Mahambet aýdany 939 sm. Táýligine +15 sm. Aıta ketsek, Jaıyq-Inderbor jáne Jaıyq-Mahambet gıdropostynda sý deńgeıi shektik belgiden asyp túsken. Tasqyn ahýaly TJM qutqarýshylarynyń baqylaýyna alyndy.