Jetisý oblysyndaǵy balabaqshalardyń birinde tárbıeshiler búldirshinderdi uryp-soqqany týraly aqparat tarady, dep jazady Egemen.kz.
Áleýmettik jelide bul oqıǵanyń beınejazbasy qyzý talqylandy.
Sol tárbıe berý uıymynyń jabylǵany belgili boldy. Al búldirshinderge qol jumsaǵan qyzmketkerler jumystan qýylǵan.
Jergilikti ákimdik mekemeniń on kúnge jabylǵanyn habarlady. Sondaı-aq tárbıeshiler men balabaqsha meńgerýshisiniń jumystan bosatylǵanyn aıtty.
- 15 mamyr kúni bilim jáne polısııa bóliminiń qyzmetkerleri balabaqshadaǵy beınebaqylaý kameralaryn qarap,tekserý jumystaryn jalǵastyrýda. Balabaqsha meńgerýshisi men tárbıeshiniń kómekshisi jáne negizgi tárbıeshi, úsheýi 15 mamyr kúni jumystan bosatyldy. QR QK 140-baby 3-tarmaǵy boıynsha sotqa deıingi tergeý bastaldy, - dep jaýap berdi Panfılov aýdany ákiminiń baspasóz hatshysy Nurbol Hanaǵat.
Aıta keteıik, bul oqıǵa Jetisý oblysy, Jarkent qalasyndaǵy balabaqshalardyń birinde bolǵan.
Áleýmettik jelide taraǵan beınejazbadan bir top ata-anany baıqaýǵa bolady. Olar balabaqshadaǵy beınebaqylaý kamerasynyń jazbasynan óz perzentterin aıaýsyz uryp-soqqanyn júregi ezile kórip otyr.
- Typ-tynysh otyrǵan balamdy salyp qaldy, - deıdi analardyń bireýi.