Uly ǵalym Qanysh Imantaıuly Sátbaevtyń týǵanyna 125 jyl tolýyna arnalǵan is-sharalar odan ári jalǵasyn taýyp jatyr. Sonyń biri – 18–19 mamyr kúnderi Sátbaev qalasynda «Qanyshtyń qazynaly álemi» taqyrybymen ótken respýblıkalyq aıtys.
Aıtysqa qatysýshylar eń áýeli qala ortalyǵyndaǵy Q.Sátbaev eskertkishine gúl shoqtaryn qoıdy. Sh.Dildebaev atyndaǵy Kenshiler mádenıet saraıynyń tórinde 14 aqyn baq synasty.
Kórkem oı, kesteli sóz arqyly aqyndar Qanysh tulǵasyn laıyqty somdaı bildi. Uly ǵalymnyń elge degen shynaıy perzenttik mahabbaty, erlikke para-par ólsheýsiz eńbegi jan-jaqty jyrlandy.
«Qazaqmys» korporasııasynyń báıgesi – jeńil avtokólik aıtysker Meıirbek Sultanhanǵa buıyrdy.
Aqyndar О́mirjan Kópbosyn, Dıdar Qamıev, Jansaıa Mýsına, Serik Qýanǵan, Aıym Asylbek alǵashqy úshtiktiń shoǵyryn qurady.
Kezinde shahtalarda shań juta júrip, qoldarynan qalamyn tastamaǵan kenshi aqyndar Kákimbek Salyqov pen Shynbolat Dildebaev atyndaǵy arnaıy syılyqtardyń taǵaıyndalýy da jarasymdy boldy.
Ulytaý oblysy