QR Ulttyq ulannyń Aqtóbe qalasynda ornalasqan 6655 áskerı bólimi sarbazdaryna elimizdiń birqatar joǵary oqý oryndaryna túsý granttary tabystaldy. Arnaıy bilim granttary jaýyngerlik qyzmet barysynda erekshe kózge túsken sarbazdarǵa berildi, dep habarlaıdy Egemen.kz «Batys» óńirlik qolbasshylyǵynyń baspasóz qyzmetine silteme jasap.
Qorǵanys mınıstrliginiń sertıfıkattary áskerı bólimniń saptyq alanyńda saltanatty túrde tabystaldy.
«Batys» óńirlik qolbasshylyǵy jaýyngerlik daıarlyq basqarmasynyń ofıseri, podpolkovnık Roman Ábdirahmanovtyń habarlaýynsha, sarbazdardyń bilimi jaýyngerlik daıyndyq pánderi boıynsha baǵalanǵan. Sonymen qatar olardyń áskerı tártibi árbir oqý kezeńiniń sońynda jalpy reıtıngpen baǵalanyp, sybaılas jemqorlyq áreketterin boldyrmaý úshin barlyq derekter elektrondy formattaǵy arnaıy platformaǵa engizilgen.
Jalpy konkýrs adamı faktordy esepke almaı ótkizildi.