Oqý men óndiristiń baılanysy

Qujatta Mańǵystaý ob­ly­synyń ónerkásip sala­syn­daǵy eńbek resýrsy­nyń suranysyna saı óńirdiń áleý­mettik-ekonomıkalyq da­mýyna bilikti kadr daıarlaýǵa erekshe nazar aýdarylǵan. Sondaı-aq ol jastardyń eńbek naryǵynda básekege qabilettiligin arttyryp, óndiriske beıimdelýin iske asyratyn óndiris pen oqý orny arasyndaǵy altyn kópir bolmaq.

– Biz oblysymyzdaǵy mań­­daıaldy bilim ordasymen tyǵyz áriptestik baılanysymyzdy jańa ba­ǵyt­ta damytpaqpyz. Zaman su­ranysyna saı alǵyr da talapty jas mamandardyń ól­ke óndirisin kóterýge tyń serpin berip, kompanııamyzdy damytýǵa súbeli úles qo­sady dep senemiz. Qos ta­rap­tyń birlesken jobasy talaı jasty óz isiniń sheberine aınaldyrary anyq, – deıdi QBM bas dırektory Marat Eleýsinov.

Memorandýmdaǵy shart negizinde ýnıversıtet túlekteri jumysqa ornalasý úshin «Qarajanbasmunaı» AQ-da qalyptasqan bos jumys oryn­­darynyń jalpy sa­ny­nyń «20%» qaǵıdaty bo­ıyn­sha úsh aılyq synaq mer­ziminen keıin aýtstaffıngke qabyldanady. Jumysqa qabyldanýǵa úmitkerdiń GPA deńgeıi 3,67-den kem emes nemese úzdik dıplom ıesi, jasy 18 ben 34 aralyǵynda bolýy kerek. Sonymen qatar jas mamandardy tańdaýda olardyń túrli ǵylymı jobalar men baıqaýlardaǵy jetistikteri, ǵylymı je­tek­­shi­leriniń usynysy jáne bu­ǵan deıin atalǵan ken ornynda tájirıbeden ótkeni de eskeriledi.

Sh.Esenov ýnıversıteti men «Qarajanbasmunaı» AQ arasynda kásibı mamandar daıarlaýda burynnan baılanys ornaǵan. Aıtalyq, 8 bilim baǵdarlamasy negi­zinde dýaldy oqytý jú­ıesin birlesip júzege asyryp ke­ledi. Sondaı-aq kompanııa áleýmettik osal top sanalatyn bilim alýshylardyń oqý tólemin tóleıdi. Joǵary oqý ornyndaǵy ǵylymı-zertteý zerthanasynyń ashylýyna qoldaý kórsetti.

«Qarajanbasmunaı» AQ birneshe jyldan beri jas­tardyń óz qabiletin kórsetýi men damytýyna mol múmkindik berdi. Bú­ginge deıin tájirıbege baǵyt­talǵan oqý jobasy aıasynda 100-ge jýyq Sh.Esenov ýnı­versıteti men kolledji stý­denti teorııalyq bilimin óndiriste qoldandy.

Láılim TAIJANOVA,

Sh.Esenov atyndaǵy Kaspıı tehnologııalar jáne ınjınırıng ýnıversıtetiniń professor assıstenti, PhD

 Aqtaý