Senat depýtaty Nurtóre Júsip Úkimetke joldaǵan depýtattyq saýalynda áıelderge arnalǵan bilim, aqparattyq-konsýltasııa berý ortalyqtaryn qoldaýǵa shaqyrdy, dep habarlaıdy Egemen.kz joǵarǵy Palatanyń baspasóz qyzmetine silteme jasap.
Senatordyń aıtýynsha, elordada 2021 jyldan bastap kópbalaly jáne jalǵyzbasty analarǵa, múgedek balalardy tárbıelep otyrǵan analarǵa járdemdesetin «Baqytty otbasy» ortalyǵy jumys isteıdi. Atalǵan ortalyq túrli kásip boıynsha 20-dan astam bilim berý kýrsyn uıymdastyryp, 2,5 myń áıel bilim alǵan jáne olardyń 80%-y óz isin ashqan.
Ortalyq áıelderdi rýhanı, moraldyq turǵydan qoldap, kásip úıretedi ári halqymyzdyń etnografııalyq murasyn jańǵyrtyp, jas urpaqqa tálim beretin taptyrmas mádenı mekteptiń qyzmetin atqaryp otyr.
«Atalǵan úlgidegi ortalyqtardy óńirlerde, ásirese, oblys ortalyqtarynan kóptep ashýǵa qalaı qaraısyz? Úkimet tarapynan arnaıy granttyq kómek berýge múmkindikterińiz bar ma? Osy úlgidegi ortalyqtardyń ónimderin naryqqa shyǵarýǵa, qorǵanys, medısına, mádenıet salalary boıynsha júıeli tapsyrystar arqyly qalyptastyrýǵa múmkindik bola ma?», dep surady Nurtóre Júsip.