Osy jyldyń basynan beri mal urlyǵyn kásip etken 200-den astam adam, onyń ishinde, 26 qylmystyq top quryqtaldy, dep jazady Egemen.kz Ishki ister mınıstrliginiń aqparatyna silteme jasap.
IIM ókilderi óńirlerdegi qylmystyń osy túrimen kúresti jolǵa qoıǵan. Osy maqsatta júıeli túrde mal bazarlary men et ónimderin satatyn oryndar, mal soıý sehtary tekserilip turady.
Almaty, Túrkistan jáne Batys Qazaqstan oblystarynda mal urlyǵyn kásip etken qylmystyq toptar anyqtaldy. Qaskúnemder urlaǵan maldy júk kóligine tıep, áketip otyrǵan. Negizgi kúdiktilerden bólek urlanǵan maldy tasymaldaýshylar jáne satyp alýshylar da ustaldy.
Nátıjesinde, bıyl jyl basynan beri mal urlyǵymen aınalysqan 65-ten astam adam sottaldy. Sotty bolǵandardyń jartysy 5 jyl merzimge temir torǵa toǵytyldy.
Esterińizge sala keteıik, 2019 jyly Memleket basshysynyń tapsyrmasy boıynsha mal urlyǵy úshin jaýapkershilik kúsheıtildi. Qylmystyq kodekske «Mal urlyǵy» degen jeke bap engizildi.
Quqyqtyq jaýapkershilik kúsheıtilgennen beri Qazaqstanda sońǵy 5 jylda mal urlyǵy 32%-ǵa tómendedi.