Senat depýtattary Sultanbek Mákejanov, Nurtóre Júsip, Lázzat Rysbekova, Bekbolat Orynbekovter TMD Parlamentaralyq Assambleıasynyń is-sharalaryna qatysyp, basqa elderden kelgen parlamentshilermen birge túrli máselelerdi talqylady, dep habarlaıdy Egemen.kz joǵarǵy Palatanyń baspasóz qyzmetine silteme jasap.
TMD Parlamentaralyq Assambleıasynyń sharalary boıynsha Sultanbek Mákejanov Memlekettik qurylys jáne jergilikti ózin-ózi basqarý tájirıbesin zerdeleý jónindegi turaqty komıssııa otyrysynda memlekettiń saılaý egemendigin qamtamasyz etý jáne qorǵaý, sondaı-aq elektrondyq daýys berýdi qadaǵalaý máselelerin, Nurtóre Júsip Mádenıet, aqparat, týrızm jáne sport jónindegi turaqty komıssııa otyrysynda «Sý nysandaryndaǵy mádenı mura túrlerin memlekettik qorǵaýdy qamtamasyz etý týraly», «Sıfrlyq medıaresýrstar ortasyndaǵy elektrondyq kommýnıkasııalar týraly», «Balalardy densaýlyǵyna jáne damýyna zııan keltiretin aqparattan qorǵaý týraly», «Mesenattyq jáne qaıyrymdylyq qyzmeti týraly» úlgi zańdardyń jobalaryn, Lázzat Rysbekova Ekonomıka jáne qarjy jónindegi turaqty komıssııasy otyrysynda «Transshekaralyq dármensizdik jáne bankrottyq týraly» úlgi zańnamalyq aktiniń jobasyn ázirleýdiń ózektiligin talqylap, Bekbolat Orynbekov «TMD-ǵa qatysýshy memleketterine arnalǵan úlgi Salyq kodeksin qoldaný jáne salyq salasyndaǵy ulttyq zańnamany damytý» taqyrybyndaǵy dóńgelek ústel otyrysyna qatysty.