Abaı oblysy Semeı qalasyndaǵy bir mektepten túlep ushqan úshem jańa ómirge qadam basty, dep habarlaıdy Egemen.kz.
Abaı oblysy ákimdiginiń málimetinshe, Semeı qalasyndaǵy №11 jalpy orta bilim beretin mektep úshin bıylǵy sońǵy qońyraý erekshe boldy, sebebi túlekter arasynda úshem mekteppen qoshtasty.
Artyqjan Gúlgúl, Jaına, Ańsaǵan esimdi úshemder 2013 jyly mektep tabaldyryǵyn attaǵan. Birinshi synyptan beri bir synypta oqıdy. Bilim jaǵynan synypta aldy bolyp, úsheýi birdeı mekteptiń barlyq is-sharalaryna belsene qatysyp, án aıtady, bı bıleıdi.
Bir qyzyǵy qyzdardyń tańdap otyrǵan mamandyqtary ártúrli. Gúlgúl qazaq tili men ádebıeti pánin tańdap, bolashaqta muǵalim bolǵysy kelse, Jaına dızaınerlik mamandyqty tańdap otyr, al Ańsaǵan bolashaqta psıholog bolǵysy keledi. Mektepte súıip oqıtyn pánderi: ádebıet jáne matematıka.