Jańa kásiporyn ishten janatyn qozǵaltqyshtyń blogi men bastıekti, júk kólikteriniń qozǵaltqysh beldemesine arnalǵan redýktor korpýsyn shyǵarady. О́ńir tarıhynda tuńǵysh ret qýatty júk kólikterine arnalǵan qosalqy bólshek shyǵarýdy qolǵa alyp jatqan jańa zaýyttyń áleýetin mamandar qazirdiń ózinde joǵary baǵalap otyr.
Zaýytqa arnaıy barǵan oblys ákimi Qumar Aqsaqalov qurylys barysymen tanysyp, ınjener mamandarmen kezdesti. Basqosýda kadr daıarlaý, óndiris ornyna kireberis jol salý jáne ınjenerlik kommýnıkasııalar jóninde sóz boldy.
«Investorlardy qoldaý maqsatynda taıaýda qýaty 224 MVt bolatyn «Batys» qosalqy stansasyn iske qostyq. Bul stansa ındýstrııalyq aımaqta ornalasqan kásiporyndardy qajetti elektr qýatymen qamtamasyz ete alady. Memleket basshysy Qazaqstan halqyna Joldaýynda atap ótkendeı, aldymyzda eldiń berik ónerkásiptik qańqasyn qalyptastyrý mindeti tur. Sondyqtan óńdeý sektoryn jedel damytýǵa basa nazar aýdarý qajet. Prezıdent tapsyrmasyna saı, ındýstrııalyq sektorda ınvestısııa tartý jáne jobalardy iske asyrý boıynsha jumys júrgizilip jatyr. Máselen, ótken jyly óńir ekonomıkasynyń negizgi kapıtalyna 554,3 mlrd teńge ınvestısııa tartyldy. Jalpy somasy 80 mlrd teńgege jýyq 12 ınvestısııalyq joba jasaldy. Bıyl 136 mlrd teńgege 9 ınvestısııalyq joba iske asyrylady», dedi Qumar Aqsaqalov.
Shoıyn quıý zaýyty myńnan asa mamandy jumyspen qamtamasyz etedi. Zaýyt oblys bıýdjetine jyl saıyn 20 mlrd teńge qarjy túsirmek.
Qostanaı oblysy