Memlekettik rámizder kúnine oraı 2 maýsym kúni elordadaǵy «Astana Trıatlon» saıabaǵynda «Tolaǵaı» alyptar saıysy ótedi, dep habarlaıdy Egemen.kz qala ákimdiginiń baspasóz qyzmetine silteme jasap.
Uly dalanyń batyrlaryn nasıhattap, qazaqtyń etno-oıyndaryn dáripteý maqsatynda ótkiziletin týrnırge bilegi toqpaqtaı, jaýyryny qaqpaqtaı elordalyq sportshylar baq synaı alady.
Bilekti batyrlar saıystyń 5 túri boıynsha ıaǵnı, 1,5 m uzyndyqtaǵy temirdi moıynǵa salyp maıystyrý, salmaǵy 100 kelilik tasty mejeli qashyqtyqqa deıin aparý, 130 keli aýyr bóreneni jelkege salyp otyryp-turý, 200 kelilik júk artylǵan arbany súıreý, on kelilik naızany qashyqtyqqa laqtyrý sııaqty erekshe saıys túrleri boıynsha synǵa túsedi.
«Bul saıys qyrkúıek aıynda ótetin V Dúnıejúzilik kóshpendiler oıyndaryna Astana qalasy boıynsha irikteý kezeńi bolyp sanalady. Iаǵnı, bes saıystyń qorytyndysy boıynsha anyqtalǵan úzdikter aldaǵy respýblıkalyq týrnırde baq synaıdy», deıdi uıymdastyrýshylar
Jarystyń ashylý saltanaty 2 maýsym kúni saǵat 16.00-de, qatysýshylardy tirkeý jarys kúni saǵat 14.00-de josparlanǵan.
Aıta keteıik, jalpy júlde qory bir mıllıon teńgeni quraıtyn týrnır Astana qalasy ákimdiginiń qoldaýymen elorda tórinde ekinshi márte ótedi.
Altynaı ABDYSh,
L.N.Gýmılev atyndaǵy EUÝ stýdenti