Abaı atyndaǵy Memlekettik syılyqtyń laýreaty, aqyn Ǵalym Jaılybaı Jańaarqa aýdanyndaǵy № 1 mektep-lıseıge zamanaýı smart panel jáne «Aı tańbaly arǵymaq» jyr jınaǵyn tartý etti. Aldaǵy oqý jylynda lıseıde «Ǵalym Jaılybaı atyndaǵy qazaq tili men ádebıeti pánin oqytý kabıneti» ashylady.
Jańa mekteptiń jańashyl úrdistegi oqytý júıesi rýhanı qundylyqtardy dáripteýge mán berip, aqynǵa osylaısha qurmet kórsetýdi qolǵa alyp jatyr.
«Bul tek meniń kabınetim bolyp nasıhattalmasyn. Jalpy aýdan aýmaǵyndaǵy ádebı ortanyń, shyǵarmashylyqqa qumar jastardyń basyn qosyp, baǵdaryn aıqyndaıtyn jer bolsyn», dedi Ǵalym Jaılybaı lıseıdegi kezdesý kezinde.
Kezdesý barysynda mektep oqýshylary aqyn jyryn jatqa oqyp, jańa kabınetke esimi berilgen aqyn búldirshinderge qoltańba berdi.