Premer-mınıstr Oljas Bektenov EAEO-ǵa múshe memleketterdiń úkimet basshylarymen Nesvıj qalasynda (Belarýs) Eýrazııalyq úkimetaralyq keńes otyrysynda óńirlik yntymaqtastyqtyń ózekti máselelerin talqylady.
Otyrysqa Odaqqa qatysýshy elderdiń: Belarýs, Qyrǵyzstan, Reseı, Armenııa úkimetteriniń, sondaı-aq baqylaýshy-memleket О́zbekstan jáne shaqyrylǵan memleket Ázerbaıjannyń basshylyǵy qatysty.
Basqosýda kólik ınfraqurylymy, ónerkásiptik kooperasııa, AО́K, kedendik jáne tehnıkalyq retteý, básekelestik, sıfrlandyrý salalaryn damytý jáne basqa da ózekti máseleler talqylandy.
Eýrazııalyq úkimetaralyq keńes otyrysy Odaq týraly shartqa qol qoıylǵan kúnge 10 jyl tolýyn merekeleý kezeńinde ótip jatyr. Oljas Bektenov Odaq jumysynyń ekinshi onjyldyǵyna qadam basa otyryp, odan ári damýdyń naqty maqsattaryn qurý jáne olardy iske asyrý úshin tıisti tetikterdi jolǵa qoıý qajet ekenin atap ótti.
Elimizdiń Úkimet basshysy otyrysqa qatysýshylardyń nazaryn jumystyń birqatar basym baǵyttaryna aýdardy.
Jasandy ıntellekt tehnologııalaryn keńinen qoldaný qajettiligi atap ótildi. AI qoldaný boıynsha tájirıbe almasý ekonomıkalyq progress pen ınnovasııalardy engizýdiń qozǵaýshy kúshi bola alady. Búgingi tańda álemde jahandyq transformasııa medısınada, bilim berýde, kreatıvti ındýstrııada júzege asyp otyr. Qazaqstan memlekettik jáne qarjylyq qyzmetterdi sıfrlandyrýda oń serpinge ıe. Mysaly, ótken jyldyń qorytyndysy boıynsha qolma-qol aqshasyz tólemderdiń úlesi 88%-dy qurady.
Oljas Bektenov jumystyń mańyzdy baǵyty retinde tasymaldardyń tıimdiligin arttyrýdy atap ótti. Temirjol quramdaryn óńdeý ýaqytyn qysqartý, «Qytaı – Ortalyq Azııa», «Qytaı – Eýropa» baǵyttary boıynsha tasymaldanatyn júkterge tranzıttik deklarasııany avtomatty túrde tirkeý jáne berý arqyly temirjol tranzıtin avtomattandyrý jónindegi qazaqstandyq qanatqaqty jobanyń oń nátıjeleri atap ótildi. Elimiz tájirıbe bólisýge jáne eýrazııalyq kólik dálizderinde senimdi logıstıkalyq hab retinde áreket etýge daıyn. Jańa múmkindikterdi engizý kóliktik jáne ekonomıkalyq baılanysty jaqsartady, bıznes shyǵyndaryn azaıtady jáne memleketter halqynyń utqyrlyǵyn arttyrýdy qamtamasyz etedi.
Sondaı-aq bul máselede ótkizý pýnktterin jańǵyrtýdyń mańyzdylyǵy atap ótildi.
«Logıstıkanyń mańyzdy tetikteriniń biri – naqty ınfraqurylymdy damytý. EAEO boıynsha áriptes elderdiń ishki shekaralaryn kesip ótý kezinde týyndaıtyn problemalardy jedel sheshý qajet. Qazaqstan óz tarapynan «Orsk – Qandyaǵash», «Maqat – Saǵyz», «Shalqar – Beıneý» baǵyttary boıynsha temir joldaryn qaıta jańartý arqyly temirjol quramdary shoǵyrlanyp qalatyn joldardy keńeıtýge kiristi. «Maqat – Shubarqudyq» ýchaskesinde 4 razezde qurylys bastaldy, «Mańǵystaý – Beıneý» ýchaskesinde qoldanystaǵy joldar jáne «Mańǵyshlaq – О́zen» ýchaskesinde úsh razezde joldar uzartylýda», dep atap ótti Oljas Bektenov.
Taǵy bir ózekti taqyryp — EAEO elderindegi memlekettik satyp alý máselesi. Úkimet basshysy ulttyq rejimdi qoldaný tásilderin túzetý jáne tómen baǵa usynylsa, memlekettik satyp alýlar kezinde ulttyq rejim qoldanylmaıtyn baǵa shegin belgileý jóninde usynystaryn aıtty.
«Qazaqstan Prezıdenti Qasym-Jomart Toqaev memleket basshylarynyń kezdesýinde qolda bar múmkindikterdi jiberip almaý úshin pármendi sheshimder qabyldaý qajettigin atap ótti. Búginde Komıssııa eldermen birlesip «Eýrazııalyq ekonomıkalyq jol» deklarasııasynyń erejelerin iske asyrý jónindegi is-sharalar josparyn ázirleýde. Ony toltyrý barysynda biz Deklarasııa sheńberinen shyqpaýymyz kerek. EAEO – 185 mln-nan astam halqy bar kedendik shekarasy joq naryq. Biz qabyldaǵan sheshimder, eń aldymen, azamattarymyzdyń turmys sapasyn jaqsartýǵa áser etýi kerek. Budan ári birlesken jumys bizge ekonomıkalyq ıntegrasııany nyǵaıtýǵa jáne elderimizdiń turaqty ári ornyqty damýy úshin qolaıly jaǵdaılar jasaýǵa múmkindik beretinine senimdimin», dep atap ótti O.Bektenov.