Memleket basshysy Qasym-Jomart Toqaev Ulttyq quryltaıdyń «Adal adam – Adal eńbek – Adal tabys» atty úshinshi otyrysynda sóılegen sózinde: «Bala eseıgen soń qanattanyp, uıadan ushýǵa tıis. Basqa aımaqtarda, tipti, shetelde bilim alýy qajet. О́zge jurttyń qalaı ómir súrip jatqanyn kórgeni abzal. Sondaı-aq qaı jerde ózine jáne eline paıdasy tıse, sol jerge baryp eńbek etýi kerek. Ozyq damyǵan memleket qurý úshin bizdiń azamattarymyz jańasha oılaı bilýge jáne jasampazdyqqa umtylýy kerek. Sol sebepti biz qoǵamda bilimpazdyqty dáripteýge, bilim jáne ǵylym salasyn damytýǵa basa mán berip kelemiz», dep atap ótken edi.
Osy maqsatqa sáıkes, «QazMunaıGaz» ulttyq kompanııasynyń tikeleı qarjylandyrýymen jáne qoldaýymen júrgizilip kele jatqan «Jarqyn Bolashaq» baǵdarlamasy eldegi adamı kapıtaldy damytýda mýltıplıkatıvti nátıje kórsetip keledi. Qazirgi kezde baǵdarlama aıasynda Jańaózen qalasy, Mańǵystaý, Túpqaraǵan, Qaraqııa aýdandarynan 674 bala elimizdiń 11 óńirinde ornalasqan 56 bilim ordasynda bilim alyp jatyr. Sonymen birge bıyl Mańǵystaý oblysynyń Beıneý, Munaıly aýdandarynyń jastary da ótinish berip, baǵdarlama qatysýshysy bola alady.
Bıyl 6 maýsymǵa deıin atalǵan óńirde bilim alyp júrgen orta mektep oqýshylary men 18-22 jastaǵy jastar zharqynbolashaq.kz saıty arqyly ótinish berip, 2024–2025 oqý jylyna arnalǵan 600 oqý grantyna qatysa alady.
10-13 maýsym aralyǵynda Aqtaý jáne Jańaózen qalalarynda bilim uıymdarynyń kórmesin ótkizý josparlanyp otyr. Kórmede elimizdiń eń aldyńǵy qatarly mektepteri men kolledjderi ózderiniń ekonomıkalyq suranysqa ıe mamandyqtary týraly tolyq aqparat usynady. Kórme barysynda jastar irikteýden ótip, grant ıegeri atana alady.
Grant ıegerlerine joba úılestirýshileri tolyǵymen aqparattyq, logıstıkalyq jáne psıhologııalyq qoldaý kórsetip otyrady. Olarmen únemi baılanysta bolyp, baǵyt-baǵdar beredi. Grant ıegerleriniń oqý aqysy tólenip, joǵarylatylǵan shákirtaqy taǵaıyndalady. Oqý demalysyndaǵy jol shyǵyndary belgili mólsherde óteledi.
Qazirgi tańda baǵdarlama uıymdastyrýshylary aımaqtardy aralap, mektepterdegi oqýshylarǵa túsindirý jumystaryn júrgizip jatyr. Aımaqtardyń bilim bólimi basshylary, mektep dırektorlary, kásibı baǵdar berýshilermen júzdesip, baǵdarlama múmkindikteri týraly tolyqqandy aqparattar berip jatyr.
Osyndaı múmkindikterdi paıdalana otyryp jastarymyz óz boıyndaǵy darynyn ushtap, elimizdiń jarqyn bolashaǵynyń qalanýyna septigin tıgizetin bilikti kadrlarǵa aınalady dep senim bildiremiz.
Erlan Aıtmuhambet,
«Bilim Foundation» qorynyń jetekshisi