AQTAÝ. 15 qańtar. Mańǵystaýda úzdik kásipkerlerge «Altyn sapa» jáne «Paryz» syılyǵy tabystaldy. Bul týraly egemen.kz tilshisi habarlady.
Kásipkerliktiń áleýmettik jaýapkershiligin arttyryp, sapaly jáne básekege qabiletti taýar óndirýge shaqyratyn atalmysh baıqaýlarǵa Mańǵystaý oblysynan 34 kásipker qatysqan. Júzden júırik shyqqan jeńimpazdardy Mańǵystaý oblysy ákiminiń orynbasary R.Ámirjanov quttyqtap, «Altyn sapa» laýreattaryna Prezıdent ákimshiliginiń basshysy N.Nyǵmatýllınniń, al «Paryz» júldegerlerine Densaýlyq saqtaý jáne áleýmettik damý mınıstri T.Dúısenovanyń atynan joldanǵan dıplomdar men Alǵys hattardy tabystady. Atalmysh saıystarda Mańǵystaýdyń «Aqbıdaı termınal» AQ men «Ekotehnıks» JShS ekinshi dárejeli dıplomdy jeńip alyp, jerlesteriniń mereıin ósirdi.
Gúlaıym Shyntemirqyzy.
Derek, sýret: egemen.kz.