ATYRAÝ. 16 qańtar. Atyraý oblysynyń Maqat aýdanynda jerge qatysty zańnama talaptary jıi buzylady. Bul týraly Atyraý oblystyq prokýratýrasynyń baspasóz qyzmeti habarlady.
Maqat aýdandyq prokýratýrasymen byltyr elimizdiń jer zańnamalarynyń saqtalýyna qatysty 4 tekserý júrgizilipti. Nátıjesinde 255 zań buzýshylyq anyqtalyp, narazylyqtardyń qaralý nátıjesimen zańsyz qabyldanǵan 65 aktiniń kúshi joıyldy. Zań buzýshylyqtardy joıý týraly 5 usynys engizilip, 6 adam tártiptik jaýapkershilikke tartylǵan. Sonyń ishinde sybaılas jemqorlyqpen ushtasqan quqyq buzýshylyq áreket jasaǵan 3 tulǵa bar. Máselen, Dossor kenti ákiminiń sheshimimen Eskene temir jol beketinen turǵyn úı qurylysy úshin zańsyz jer telimi bólingen.
Aýdandyq prokýratýranyń talap aryzdary boıynsha jalpy kadastrlyq quny 2 289 600 teńge bolatyn 12 jer telimi sot sheshimimen memleket menshigine qaıtaryldy.
Joldasbek Shópeǵul.
Derek: Atyraý oblystyq prokýratýrasy.
Sýret: palata.kz.