Eńbek salasyndaǵy sony betburys kadr áleýetiniń qundy kapıtal negizi retinde qarastyrylýymen, jumys kúshiniń tehnologııalyq jetistikterge ıntegrasııalanýymen sıpattalady. Osyndaı tektonıkalyq ózgerister kezeńinde talanttardy tıimdi basqarý mindeti de kúrdeli. HR tehnologııalarynyń muny sheshýdegi rólin túsiný strategııalyq sheshimderdi ázirleý úshin óte mańyzdy.
О́zgermeli álemde kompanııalar kadr saıasatymen baılanysty birqatar syn-qaterge daıyn bolýy qajet. Bul HR (Adam resýrstary) salasyna kóshbasshylar men menedjerler býynyn damytýǵa, tıimdi uıymdastyrýshylyq mádenıetti qalyptastyrýǵa, qyzmetkerlerdiń jumys isteýi úshin ashyq jaǵdaılardy qamtamasyz etýge, sondaı-aq HR tehnologııalardyń ońtaıly jıyntyǵyn tańdaýǵa baǵyt silteıdi. Tehnologııa bıznes kórsetkishteri men qyzmetkerlerdiń biliktiligin arttyrý úshin jumys isteıtin salaýatty jumys atmosferasyn qalyptastyrýǵa yqpal etedi. Búgingi tańda HR kóshbasshylarynyń aldynda turǵan qıyndyqtar uıymnyń nátıjelerine jáne onyń brendine kóptegen jyldar boıy jaısyz iz qaldyrýy múmkin.
Bilikti mamandardy tabýdaǵy qıyndyqtarmen qatar koronavırýs pandemııasynyń saldary da gıbrıdti jumys formaty tájirıbesin keńeıtip, qyzmetkerlerdi basqarýdyń jańa ádisterine moıyn burǵyzdy. Aqparattyq tehnologııalar naryǵyndaǵy amerıkalyq «Gartner» zertteý jáne konsaltıngtik kompanııasy júrgizgen saýaldamaǵa sáıkes bul úderis basshylyq pen qyzmetkerler arasynda senimsizdiktiń kúsheıýine ákelgen. Mysaly, basshy quramdaǵy respondentterdiń tek 26 paıyzy ǵana qyzmetkerler jumys ornynda bolý talaptaryn tolyq oryndaıdy dep sanaıdy. Bul rette saýalnamaǵa qatysqan qyzmetkerlerdiń 50 paıyzy ózderine kompanııa ishinde senimsizdik artqanyn aıtqan. Oǵan qosa qazirgi zamanǵy HR sheshimderdiń eńbek ónimdiligine, qyzmetkerlerdi yntalandyrýǵa oń yqpaly ár kez baıqalmaıdy. Negizinen adamdardyń jumys tıimdiliginiń statıstıkalyq kórsetkishterin esepteýge baǵyttalǵan tehnologııa negizgi nazardy menedjerlerdiń baǵasynan operasııalyq tıimdilikke aýystyrǵan. Bilikti kadrlardyń jetispeýshiliginen ortasha menedjerdiń mindeti ózi basqara alatyn kólemnen 51 paıyzǵa kóp. Zertteýler kórsetkendeı, basshylardyń 26 paıyzy kadr tapshylyǵyn bıznestiń bolashaǵyn nasharlatatyn basty faktor dep sanaıdy.
Kadr basqarý isindegi syn-qaterler týraly jýyrda «SAP Discovery day Almaty» forýmynda keńirek aıtyldy. Jıynda 300-ge jýyq otandyq jáne sheteldik jetekshi kompanııalardyń basshylary men mamandary talanttardy basqarý salasyndaǵy bıznestiń aldynda turǵan talaptar men mindetterdi talqylady. «Axellect Kazakhstan» kompanııasynyń basqarýshy dırektory Anton Mýsın atap ótkendeı, búginde HR qyzmetine derektermen jumys, saraptama, jasandy ıntellekt (JI) syndy tehnologııalardyń barlyǵy qoıylǵan. Bastysy, kompanııa kóshbasshylary men menedjerlerin damytý úshin jumys isteıtin ońtaıly jıyntyqty tańdaý qajet.
Mamandardyń aıtýynsha, birqatar problemany tehnologııalyq quraldardyń qoldaýymen HR kóshbasshylarynyń jańa jumys baǵyttary esebinen sheshýge bolady. Sodan keıin menedjerlerdiń tıimdiligine neǵurlym ıkemdi jáne beıresmı tásilderdi qalyptastyra otyryp, ózgeristerdi evolıýsııalyq jolmen engizý arqyly kompanııanyń uıymdyq mádenıetin, jumys ortasyn qaıta qaraý basymdyqqa aınalady. Sonymen qatar qyzmetkerler kompanııanyń ósý perspektıvalaryn aıqynyraq kórýi kerek. Bul jerde ár deńgeıge aýysýdyń bulyńǵyr krıterııleri bar dástúrli mansap kartalary endi bıznestiń talabyn da, qyzmetkerdiń úmitin de qanaǵattandyrmaıdy. Jaǵdaıdan shyǵýdyń bir joly – geımıfıkasııany engizý. Onyń kómegimen mansaptyq ósýdiń ashyq júıesi qalyptasyp, kompanııada kadrlardy saqtap qalýǵa múmkindik týady. Tutastaı alǵanda, zamanaýı HR tehnologııalaryn paıdalaný uzaqmerzimdi perspektıvada jumys atmosferasy men bıznes nátıjelerin aıtarlyqtaı jaqsarta alady. HR salasyndaǵy talaı másele «Success factors» derbes basqarý júıesin qoldaný arqyly sheshimin tabady. Bul – HR úderisin avtomattandyrýǵa múmkindik beretin álemdegi eń ozyq modýldik bult júıesi. Júıede mamandy beıimdeýdiń, kadrlyq ákimshilendirýdiń, oqytýdyń, mansapty damytýdyń, sondaı-aq tıimdilikti basqarýdyń ártúrli kezeńderinen ótýge múmkindik beretin úlgiler toptastyrylǵan. Eń bastysy, qyzmetker men jumys berýshi arasyndaǵy kedergiler alynyp tastalady.
Tıimdilik kórsetkishteri boıynsha ıntegrasııalanǵan sandyq derekterdi alýǵa múmkindik beretin sıfrlyq álemde ómir súre otyryp, jasandy ıntellekt tehnologııalarynyń bızneske ósip kele jatqan áserin de eleýsiz qaldyrýǵa bolmaıdy. Zertteýler kórsetkendeı, kadrlyq qyzmet basshylarynyń 76 paıyzy aldaǵy 12-24 aıda generatıvti jasandy ıntellekt engizbese, uıymdyq jetistikterge jetý jóninen artta qalatynyn jetkizgen. Biraq qazir naryqta JI boıynsha kóptegen nusqalar usynylyp júrgenin eskergende, bul tusta týyndaıtyn suraq kóp. Menedjerlerdiń kóbi jasandy ıntellekttiń artyqshylyqtaryn jumysty ońtaılandyrý úshin paıdalanýdy bastaýǵa daıyn bolsa da, JI, onyń generatıvti túriniń jumys oryndarynda qalaı kómektesetinin bári birdeı túsinbeıdi. Al negizinde jasandy ıntellekt HR fýnksııasynyń salalaryna burynnan engen. Mamandar kóp suraqqa jaýapty sol modýldik bulttan tabýǵa bolatynyn aıtady. JI qandaıda bir baǵa nemese KPI boıynsha bekitilgen mindetti quramdas bólikterge toptastyryp, keri baılanys berýge qabiletti. Jasandy ıntellektiniń kóptegen aspektileri qyzmetkerdiń jumys tájirıbesin jaqsartyp, kúndelikti tapsyrmalardy oryndaýda ónimdilikti arttyrýǵa kómektesedi.
Kadr naryǵyndaǵy úderis kúndelikti ónimdilikti jaqsartý úshin JI-dyń barlyq túrin paıdalaný bıyl uıymdardyń nazarynda bolatynyn kórsetedi. Sonymen birge kompanııalar ózine qandaı JI qajet ekenin qaıta qaraýǵa, qyzmetkerlerdiń tehnıkalyq daǵdylary men JI qoldaný qabiletin anyqtaýǵa tıis bolady. Sáıkesinshe, ony paıdalanýǵa baılanysty qyzmetkerlerdiń tehnıkalyq daǵdylaryn qaıta daıarlaý jáne biliktiligin arttyrý qajettiligi aldyńǵy orynǵa shyǵady.