ASTANA. 25 sáýir. Qazaqstan prezıdenti saılaýyna baqylaýshy retinde áıgili mánerlep syrǵanaýshy Irına Rodnına men ataqty hokkeıshi Vladıslav Tretıak qatysady. Bul týraly Today.kz habarlady.
Agenttiktiń málimetinshe, «Mýz-TV» bas dırektory Arman Dáýletııarov Qazaqstan prezıdenti saılaýyna baqylaýshy bolyp qatysý úshin Astanaǵa Reseıdiń eki ataqty sportshysy kelgeli jatqanyn aıtqan.
«Reseıde turatyndyǵyma qaramastan, men janymmen qazaqpyn. Meniń tarıhı otanym osynda. Budan bir aı buryn men Qazaqstanǵa prezıdent saılaýyna baqylaýshy bolý úshin shaqyryldym. Bul men úshin óte jaǵymdy jańalyq boldy», - dedi ol.
О́ziniń sózinde Arman saılaýda Reseı boksshysy Nıkolaı Valýevtiń de baqylaýshy bolatynyn jetkizdi.
«Maǵan anyq bir nárse, Nıkolaı – keremet boksshy. Buǵan qosa, ol saıasatty da jaqsy taldaı biledi, eger qatelespesem, RF Memlekettik dýmasynda qyzmet te atqarady», - dedi «Mýz-TV» bas dırektory.
Saılaýǵa keletin basqa da tanymal sportshylar týraly aıtqanda, Arman Dáýletııarov ondaılardyń óte kóp ekenin tilge tıek etti.
«Men sol tizimdi kórdim. Olardyń deńgeıleri óte joǵary ekenin de aıta alamyn. Sonyń ishinde meniń bilgenim, bul tizimde tanymal mánerlep syrǵanaýshy Irına Rodnına men asa kórnekti hokkeıshi Vladıslav Tretıak bar», - dep túıindedi ol.
Damır Qojamqul.
Derek, sýret: Today.kz.