ALMATY. 25 sáýir. Qazaq Memlekettik akademııalyq drama teatrynyń dırektory aýysty. Búgin tańerteń Astanadan Mádenıet jáne sport mınıstriniń orynbasary Ǵalym Ahmedıarov kelip, teatr dırektory Erkin Jýasbekti qyzmetinen bosatyp, onyń ornyna akter Erlan Biláldi otyrǵyzdy. Bul týraly «Dala men qala» habarlady.
Saılaýǵa bir kún qalǵanda mundaı sheshim qabyldaýǵa ne túrtki bolǵany belgisiz. Keshe ǵana týǵan kúnin toılap, elýdiń eńsesine shyqqan Erkin Jýasbektiń qandaı qyzmetke baratyny da belgisiz.
Teatrdyń jańa basshysy bolyp kelip jatqan Erlan Ábdildauly Bilál - Qazaqstannyń eńbek sińirgen qaıratkeri, Qazaqstan Jastar odaǵy syılyǵy laýreaty
E.Bilál 1971 jyly Almaty oblysy, Raıymbek aýdany, Tekes aýylynda týǵan. 1993 jyly Qazaq Memlekettik T.Júrgenov atyndaǵy Teatr-kıno ınstıtýtyn (qazirgi О́ner akademııasy) teatr-kıno akteri mamandyǵy boıynsha bitirgen. Osy jyly M.Áýezov teatrynyń akterlik tobyna qabyldandy.
2011 jyldyń 12 qyrkúıeginen bastap teatr dırektorynyń orynbasary bolyp keldi.
Talǵat Súıinbaı.
Derek, sýret: Dala men qala.