Azyq-túliktiń 80%-y syrttan tasymaldanatyn Mańǵystaýda kelgen taýar-taǵamdardy saqtaý – mańyzdy másele. О́nimniń buzylmaýy men keń kólemde saqtalýy úshin arnaıy orynnyń qajet bolatyny aıdan anyq. Memleket basshysy oblysqa saparynda aımaq basshylyǵyna «azyq-túlik taýarlarynyń baǵasyn tómendetý boıynsha sharalar qabyldaýǵa, onyń ishinde saýda ınfraqurylymyn damytýǵa jáne basqa óńirlerdegi taýar óndirýshilermen uzaqmerzimdi sharttar jasaýǵa» qatysty birqatar tapsyrma júktegen bolatyn.
Keshendi jumys nátıjesinde jylǵa jýyq ýaqyt ishinde qurylys jumystary júrgen iri kóterme saýda ortalyǵynyń birinshi kezeńi ashyldy. Bir mezgilde 40 myń tonna ónim saqtaıtyn kóterme-taratý ortalyǵy ınvestorlar qarjysyna salyndy. Investısııalanǵan qarajat kólemi – 4 mlrd teńgege jýyq. Aýdany 8 gektardy quraıtyn aýmaqta 10 693 tonnaǵa arnalǵan qurǵaq qoıma men 30 myń tonnalyq klımattyq qoımalar bar. Sondaı-aq kóterme-taratý ortalyǵyndaǵy aýyl sharýashylyǵy ónimderin saqtaıtyn 4 qoıma paıdalanýǵa berildi.
«Mańǵystaý oblysynyń azyq-túlik qaýipsizdigin qamtamasyz etý – negizgi máselelerdiń biri. Joba tolyqqandy iske qosylǵannan keıin kásipker shyǵyny sýbsıdııalanady. Ortalyq elimizdegi ózge oblystardyń kásipkerlerine, ólkemizdiń kásipkerlerine zor múmkindik beredi. О́z kezeginde naryqta azyq-túlik taýarlarynyń kóbeıýine, onyń baǵasyn turaqtandyrýǵa yqpal etedi», dedi Mańǵystaý oblysynyń ákimi Nurdáýlet Qılybaı jańa ortalyqtyń birinshi kezeńiniń ashylý saltanatynda.
Jobanyń ekinshi kezeńi aıasynda salynyp jatqan qos qabatty kóterme saýda bazarynyń da jumysy túgelge derlik oryndaldy. Qurylysty 2024 jyldyń ekinshi jarty jyldyǵynda aıaqtaý josparlanyp otyr.
Saýda bazary iske qosylǵan soń jergilikti aýyl sharýashylyǵy óndirýshileri saýda oryndaryna qoljetkizip, óz ónimderin deldalsyz satýǵa múmkindik alady. Deldalsyz satý – taýar baǵasynyń turaqtylyǵyn qamtamasyz etedi degen senim bar.
Mańǵystaý oblysy