Bul týraly búgin, 20 maýsymda QR Ǵylym jáne joǵary bilim mınıstri Saıasat Nurbek Ortalyq kommýnıkasııalar qyzmetinde ótken brıfıng barysynda málimdedi, dep habarlaıdy Egemen.kz.
Vedomstvo basshysynyń aıtýynsha, Bishkekte L.N. Gýmılev atyndaǵy Eýrazııa ulttyq ýnıversıtetiniń fılıaly jumys isteıdi. Jaqyn arada Reseıde otandyq JOO-nyń taǵy bir fılıaly ashylady.
«Bizdiń Reseıdegi qandastarymyzdan, ásirese Orynbor, Ombydan úlken suranys bar ekeni baıqaldy. Osy jyldyń basynda men Máskeýde boldym, onda Reseıdiń Ǵylym jáne joǵary bilim mınıstrimen kelissózder júrgizdim. Másele aqyry sheshildi, Omby memlekettik ýnıversıtetiniń bazasynda Ál-Farabı atyndaǵy QazUÝ fılıaly ashylady. Bul Reseıdegi alǵashqy tolyqqandy fılıal bolmaq», dedi Saıasat Nurbek.
Sondaı-aq mınıstr dál osyndaı kelissózder Qytaı tarapymen de júrgizilip jatqanyn aıtty.
Qyrmyzy JUMAǴALIQYZY,
EUÝ stýdenti