Qazaqstan Respýblıkasy Parlamenti Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov Qytaı Halyq Respýblıkasynyń Qazaqstandaǵy Tótenshe jáne ókiletti elshisi Chjan Hanhýeıdi onyń ótinishi boıynsha qabyldady.
Kezdesýde eki eldiń ózara qatynastary men parlamentaralyq baılanystaryn keńeıtý máseleleri talqylandy.
QHR elshisi Qytaı Qazaqstandy aýqymdy salalar boıynsha strategııalyq áriptes dep sanaıtynyn aıta kelip, eki el arasynda gýmanıtarlyq yntymaqtastyqty belsendi qoldaý jónindegi pikirin bildirdi.
Ch.Hanhýeı Memleket basshysy N.Nazarbaevtyń Qazaqstan Respýblıkasynyń Jańa Ekonomıkalyq Saıasaty jarııa etilgen «Nurly Jol – bolashaqqa bastar jol» Qazaqstan halqyna Joldaýynyń erekshe mańyzyn atap ótti.
Sonymen qatar, QHR elshisi Qazaq handyǵynyń 550 jyldyǵyn merekeleýdiń mańyzyn atap óte kelip, ony Qazaqstan halqy úshin erekshe oqıǵa retinde sanaıtynyn jetkizdi.
Kezdesý barysynda halyqaralyq yntymaqtastyqtyń birqatar máseleleri de talqylandy, dep habarlady Parlament Senatynyń baspasóz qyzmeti.