ASTANA. 20 qańtar. Qyzylorda oblysynyń jergilikti atqarýshy organdarynda birqatar ózgerister oryn aldy. Bul týraly oblystyq ákimdiktiń baspasóz qyzmeti habarlady.
Oblys ákimdiginiń qaýlysyna sáıkes memlekettik sáýlet-qurylys baqylaý basqarmasy, veterınarııalyq baqylaý basqarmasy, jerdiń paıdalanylýy men qorǵalýyn baqylaý basqarmasy jáne Prezıdenttiń «Baıqońyr» keshenindegi arnaýly ókiliniń qyzmetin qamtamasyz etý basqarmasy sekildi jańa mekemeler quryldy. Al oblystyq syrtqy baılanystar basqarmasy oblys ákimi apparatynyń quramyna qosyldy. Sondaı-aq, tilderdi damytý basqarmasy, din isteri basqarmasy, jastar saıasaty máseleleri basqarmasy Qyzylorda oblystyq ishki saıasat basqarmasynyń quramyna kirdi. Al oblystyq muraǵattar jáne qujattama basqarmasy mádenıet basqarmasyna qosyldy. Sondaı-aq, Qyzylorda oblysynyń qurylys basqarmasy» memlekettik mekemesi oblystyń sáýlet jáne qala qurylysy basqarmasymen birigip, qurylys, sáýlet jáne qala qurylysy basqarmasyna aınaldy.
Joldybaı Bazar.
Derek: Qyzylorda oblystyq ákimdiktiń baspasóz qyzmeti
Sýret: spk-baikonur.kz.