ASTANA. 20 qańtar. Orasan kúshtiń ıesi, kúrestiń birneshe túrinen álem chempıony atanǵan tuńǵysh qazaq alyby, teńdessiz óneriniń arqasynda jer sharyn aralap, 28 memlekette kúreske túsip, 56 medal oljalaǵan áıgili Qajymuqan palýannyń rólin somdaǵan belgili akter Áleýhan Bekbolatuly keshe 60 jasynda júrek aýrýynan kóz jumdy. Bul týraly «QazAqparat» habarlady.
Dúnıe júziniń chempıondary Ivan Poddýbnyı, Ivan Shemıakın, Aleks Aberg, Ivan Zaıkın, Georg Lýrıh, Georg Gakkenshmıdt, Pol Pons, Veıland Shýls syndy jampozdarmen qatar júrgen qazaqtyń ataqty palýanynyń rólinde oınaý ekiniń biriniń qolynan kele bermeıdi.
Áleýhan Bekbolatuly Qyzylorda oblysy Jańaqorǵan aýdanynda 1955 jyly týǵan. Som deneli, suńǵaq boıly azamat kúreske beıimdiliginiń arqasynda 200-den astam úmitkerdiń ishinen tańdap alynyp, Qajymuqan rólinde oınaýǵa múmkindik alǵan-dy.
Marqumdy aqtyq saparǵa shyǵaryp salý rásimi búgin 12:30-da Qaraǵandy trassasyndaǵy Er Kókshe kóshesinde «Raıymbek» dámhanasynda ótedi.
Aıdar О́risbaev.
Derek: «QazAqparat».
Sýret: kino-teatr.ru.